24 lutaha — «Tuzin. Unplugged»: ZM99 i Znich

Jak ZM99, tak i Znich upieršyniu ŭ svajoj historyi rychtujuć akustyčnyja sety. «Dla nas heta budzie adkazny vystup, bo nikoli jašče nie davali kancert u takim farmacie», — kaža vakalistka kamandy ZM99 Zoja Karalčuk. «Zaŭždy cikava, kali hurt, jaki vykonvaje ciažkuju muzyku, biarecca syhrać svaje pieśni ŭ kamernym farmacie. Tamu my pahadzilisia na hety eksperyment», — zaznačaje lider Znich Aleś Tabolič.

Hurt ZM99 jašče ŭ 2004 hodzie pradstaviŭ u miežach čartu na «Tuzinie Hitoŭ» plon svajoj pieršaj studyjnaj pracy — pieśniu «Mahnzezija». Tady kamanda zvałasia «Źmiaja». Praz hod muzyki ŭvajšli ŭ lik laŭreataŭ «Basovišča» i zapisali pieršy paŭnavartasny albom «Usio dziela vas». Kamanda znachodzicca ŭ pastajannym ruchu i pošuku, što pryviało da rebrendynhu ŭ 2009 hodzie, kali muzyki vyrašyli źmianić nazvu, loha dy trochi pałahadnieli ŭ hučańni. Ciapier hurt aktyŭna pracuje nad svaim novym albomam. Niekatoryja pieśni ź jaho jakraz i prahučać na «Tuzin. Unplugged». «My vyrašyli zbudavać svaju prahramu z daŭnich piesień, jakija my praktyčna nie vykonvajem, jak taja ž „Mahnezija“, a taksama z novych tvoraŭ, jašče niačutych», — raspaviadaje hitaryst kamandy Ŭładzimier Sachončyk. «Dla nas heta budzie adkazny vystup, bo ŭpieršyniu dajem kancert u takim farmacie», — dadaje vakalistka kamandy Zoja Karalčuk.

Upieršyniu vystupiać u akustyku i lidery biełaruskaha folk-pahan-metału — hurt Znich. «Zaŭždy cikava byvaje, kali hurt, jaki vykonvaje ciažkuju muzyku, biarecca syhrać svaje pieśni ŭ kamernym farmacie. Tamu my pahadzilisia na hety eksperyment. Heta budzie pieršaja sproba, jak dla nas, tak i dla słuchačoŭ, pahladzieć na Znich ź inšaha boku», — kaža lider kamandy Aleś Tabolič. Muzyki źbirajucca zhadać folkavyja rečy, jakija nie ŭvachodziać u ich ciapierašni repertuar, a taksama pierapracujuć svaje hałoŭnyja hity. Upieršyniu ŭ akustyku prahučać «Kryžy-abiarehi», zahałoŭny numar z apošniaha dysku — «Mroja» dy inšyja viadomyja tvory. Cikava jašče, što padčas vystupu 24 lutaha da Znich dałučacca zaprošanyja muzyki. Padpiavać Taboliču buduć vakalistka hurta UNIA Alaksandra «Šunia» Šajko i Taciana Haroch, vakalistka hurta «Lutavierje».

Padčas vystupaŭ hledačy zmohuć zadać pytańni muzykam. Vieści imprezu «Tuzin. Unplugged» pa tradycyi budzie Aleh Chamienka, muzykant i niaźmienny viadučy radyjoversii hit-paradu «Tuzin Hitoŭ». Da ŭsiaho, naviedniki kancertu majuć šaniec atrymać pryzy ad siabroŭ «Tuzina Hitoŭ» — kampanii «Budźma biełarusami».

***

Kancert pačniecca ŭ 19:00 24 lutaha (piatnica) u mienskim klubie «Hrafici» (zav. Kalinina, 16).

Košt kvitka — 50 000 rub. Nabyć kvitki možna ŭ klubie zahadzia z 18:00 da 22:00 štodnia, akrom suboty i niadzieli.

Infalinija: (029) 638-44-44, (033) 638-44-44, skype, google: Diskoteq, ICQ: 531-07-353.

• 0
• 0
• 0
• 0
• 0
• 0
• 0
• 0