«Mova. Muzyka. Maładość» — vyjšaŭ dakumientalny film pra biełaruski rok
Z unikalnymi kadrami i ŭspaminami.
Tvorčaje abjadnańnie «KAVA groups» razam z apierataram Alaksandram Krupinaju sa studyi «KapkanFilm» i stvaralnikam kulturnickaj placoŭki «Art Siadziba» Paŭłam Biełavusam prezientavali dakumientalny film «Mova. Muzyka. Maładość».
Pra ideju i mety filma raspaviadaje adzin z aŭtaraŭ Pavał Biełavus:
«Ideja filma ŭźnikła minułaj vosieńniu, kali ja arhanizavaŭ nievialiki kancertny tur Vinsent'a pa Biełarusi.My tady vialikim muzyčnym składam abjechali z kancertami Ivacevičy, Bieraście, Horadniu i skončyli vialikim kancertam u Minsku. Usie kancerty i našyja pryhody ŭ tury zdymaŭ Alaksandr Krupina. Tamu naźbirałasia šmat videa, ź jakim my spačatku nie viedali što rabić, a paśla naradziłasia ideja zrabić dakumientalny film pra tvorčaje žyćcio biełaruskamoŭnych muzykaŭ.
Ale pastupova,
kali my ŭžo pačali prapisvać scenar, to ideja transfarmavałasia ŭ bolš šyrokuju — zrabić film, jaki pakazvaje historyju biełaruskamoŭnaj alternatyŭnaj muzyčnaj płyni ad jaje zaradžeńnia da siońnia.Tamu ŭ vyniku film „Mova. Muzyka. Maładość“ staŭ takoj dakumientalnaj historyjaj farmavańnia, raźvićcia i žyćcia biełaruskamoŭnaj muzyčnaj tvorčaści ź cikavymi faktami i niezabyŭnymi padziejami».
Videaapieratar Alaksandr Krupina dadaje: «Dla mianie hety dakumientalny film — pieršaja sproba pracy ŭ takim žanry. Raniej ja zdymaŭ zbolšaha tolki klipy, tamu i pracavać nad filmam było składana, bo
my nie prafiesijanały, a chutčej amatary, jakija ŭ hetaj stužcy imknulisia pakazać raźvićcio biełaruskamoŭnaj muzyki, i šmatlikija dakumientalnyja rarytetnyja kadry i fatazdymki80-ch i90-ch nam u hetym dapamahli.
I hałoŭnaje, što, pakazaŭšy ŭsiu składanaść žyćcia biełaruskamoŭnych hurtoŭ u Biełarusi, my skončyli film aptymistyčnym vykazvańniem Vincuka Viačorki pra toje, što my jość biełarusy, my narmalnaja tvorčaja nacyja, my nia tolki nie horšyja, ale, napeŭna, i lepšyja za inšych, i tysiačy hadoŭ budziem žyć na hetaj ziamli».
Kamientary