Квадрат тэкстаў — гэта чатыры кірункі намеркаваных даследаванняў: раскрыццё індывідуальных праектаў філасофіі мовы, выяўленне феномену як альтэрнатывы норме і узусу, шуканне рэлевантных канвенцыяў у правапісе, граматыцы і лексіцы, стварэнне нацыянальнай граматычнай традыцыі. Аўтар пільнуецца фундаменталістаўскай стратэгіі развіцця мовы, распачатай Янам Станкевічам, станавіта адмяжоўваючыся і ад кансерваваннікаў сумнеўных савецкіх нормаў, і ад бяздумных апалагетаў узусу, і ад валюнтарыстаўскіх рэфарматараў мовы.
«Анонс: квадрат тэкстаў» пабачыла свет у серыі «Бібліятэка «Беларускі калегіум».
Сваю мовазнаўчую кнігу Юрась Пацюпа прадставіць у кнігарні «логвінаЎ» (пр-т Незалежнасці, 37А) 23 мая а 19.00. Удзел возьмуць Валянцін Акудовіч і Алесь Анціпенка.
Каментары