Супрацоўнікі палка хуткага рэагавання МУС Азербайджана затрымалі ў Баку грамадзяніна Беларусі, які мінулай ноччу спрабаваў праз вентыляцыйную шахту трапіць у сталічнае метро, паведамляе haqqin.az, са спаслыкай на МУС рэспублікі.
Згодна з інфармацыяй, Сяргей Ільеўскі спілаваў краты ў вентыляцыйнай шахце «Бакметрополитена» і ноччу спрабаваў пралезці ў тунэль. Падчас затрымання ў яго былі канфіскаваныя балоны з фарбай, а таксама фатаграфіі сваіх малюнкаў, зробленых у Тбіліскім і ерэванскім метрапалітэне.
Было высветлена, што за некалькі дзён да свайго візіту ў Баку Ільеўскі пабываў у Ерэване і Тбілісі.
Пасольства Беларусі ў Азербайджане сцвярджае, што затрыманы хацеў размаляваць сцены ў тунэлях бакінскага метро, як раней зрабіў у Тбілісі і Ерэване.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары