Моды5858

19-гадовы хлопец адкрыў у Мінску краму з рэчамі ў нацыянальным стылі ФОТА

У мінскім гандлёвым цэнтры «Сілуэт» (каля Камароўскага рынка) ужо больш за два месяцы працуе крама «Дарэчы», дзе прадаюцца розныя вышымайкі, кубкі і іншыя рэчы з нацыянальным арнаментам. Яе уладальнік — 19-гадовы Вадзім.

«Разам з дапамогай бацькі я вырашыў адкрыць краму «Дарэчы». Сёння людзі цікавяцца нацыянальнымі рэчамі, таму, папрацаваўшы ужо больш за два месяцы, мы зразумелі, што не дарма гэта робім».

Сам Вадзім ішоў да беларускасці з 12 год. Крыніцай натхнення была беларуская музыка, а дакладней, «Ляпіс Трубяцкі» і Лявон Вольскі. Паступова хлопец стаў цікавіцца беларускай мовай, гісторыяй і культурай — і вось цяпер сам уносіць уклад у яе развіццё.

Паступова Вадзім пераканаў бацьку у істотнасці нацыянальных каштоўнасцяў. «Бацька проста не цікавіўся гэтым, а цяпер у яго, як і ў мяне, набітая татуіроўка з Пагоняй».

Вадзім з бацькам у Львове на матчы зборных Украіны і Беларусі

У краме «Дарэчы» прадаюцца байкі, майкі, сувеніры, гаманцы, дзіцячыя вышыванкі, сумкі, бранзалеты і шмат чаго іншага. «У нас ёсць прадукцыя symbal.by, Mark Formelle, розныя вырабы майстроў з Ракава і Гродна. Я вось спецыяльна павесіў дзіцячыя вышыванкі на ўваходзе. Людзі ходзяць і замілоўваюцца».

Вадзім адзначае, што стаўленне мінакоў абсалютна рознае, але мала бывае абыякавых. «Дзесьці 70% падтрымліваюць. 20 — ставяцца адмоўна і толькі 10% — памяркоўна. Бывае, што я бачу, што людзі кепска разумеюць па-беларуску, але калі я прапаную з імі размаўляць па-руску, яны адмаўляюцца, кажуць, што ім падабаецца беларуская мова».

А між тым у краму зайшоў мужчына сярэдняга ўзросту, каб абраць сабе вышымайку ці майку з «Пагоняй». «Дзякуй вам, хлопцы, я вось некалькі год таксама у «Сілуэце» працаваў, цяпер у іншым месцы, але вы робіце годную справу».

У краме кожны ахвотны можа ўзяць сабе адну са стужак бясплатна.

Вадзім адзначае, што бізнэс ідзе даволі паспяхова. Паколькі ўсе рэчы беларускай вытворчасці, падаткаў прыпадае плаціць трохі менш, чым тым, хто закупляецца ў Расіі ці Еўропе. Падчас гутаркі краму наведала 5-6 чалавек, але Вадзім адзначае, што гэта яшчэ даволі мала для панядзелка. Вось і дзяўчына прыйшла па байку ці майку з нацыянальнымі сімваламі, каб падарыць свайму хлопцу на дзень народзінаў.

Суседзі па гандлёвых кропках часта наведваюць краму. Па словах Вадзіма, больш за ўсіх ягоную справу падтрымліваюць мясцовыя ахоўнікі. «Так, былі тут уладальнікі кропак, якія прыходзілі, абражалі, але большасць цалкам падтрымлівае ідэю такіх рэчаў».

Вадзім спадзяецца, што беларуская культура будзе пашырацца сярод нашых людзей, а сам ён хоча проста ўнесці свой уклад у яе папулярызацыю.

Каментары58

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць