Лагвінцамабіль: актывіст Руху за Свабоду выкарыстоўвае выбарчую кампанію для прапаганды нацыянальных каштоўнасцей
Так выглядае «Лагвінцамабіль» — прычэп са стэндамі з інфармацыяй аб прэтэндэнце ў дэпутаты Алесю Лагвінцу. Лагвінец хоча балатавацца ў мінскім раёне Сухарава, дзе даўно жыве.
Гэта ён арганізаваў выступ Лявона Вольскага, што сабраў паўтары тысячы гледачоў і выклікаў гнеў старшыні Цэнтрвыбаркама Лідзіі Ярмошынай.
Алесь Лагвінец — намеснік старшыні Руху за Свабоду. Ён выкладае паліталогію ў шэрагу навучальных устаноў, а таксама зарабляе як перакладчык-сінхраніст.
Каманда Лагвінца носіць майкі з беларускамоўнымі надпісамі. А сам кандыдат апранае кашулю-вышыванку.
Нават стэнды з інфармацыяй пра кандыдата выглядаюць як інсталяцыя. Іх перавозяць на аўтапрычэпе.
У выбарчай камандзе Лагвінца каля 85 чалавек. Яны сабралі каля 1600 подпісаў.
Каментары