«Балотам, якое трэба пераадольваць», назвала Палату прадстаўнікоў дэпутат парламента, актывістка Аб'яднанай грамадзянскай партыі (АГП) Ганна Канапацкая на сустрэчы з дэмакратычнымі актывістамі 3 снежня ў Магілёве.
«Я пабыла там ужо знутры і бачу, якое там балота, і бачу ўсю гэтую кухню, і тое, што па большасці пытанняў адзін голас супраць, і я ведаю, чый ён, і ўсе ведаюць, чый ён. Вы ведаеце, становіцца часам страшна, таму што гэта балота трэба неяк пераадольваць. І я тут адна не ў стане зрабіць пры ўсім жаданні, пры ўсіх магчымасцях. Давайце рабіць разам», — заклікала Канапацкая ўдзельнікаў сустрэчы.
Дэпутат ад апазіцыі запэўніла, што на яе «балота» ніяк не паўплывала. «Я ведаю, што засталася на сваіх прынцыповых пазіцыях. Нават зыходзячы з нейкіх элементарных рэчаў… калі мне кажуць: Ганна Анатольеўна, а што гэта вы не носіце дэпутацкі значок? Гэта — мая пазыцыя. Я адзіны дэпутат, у якога не вісіць партрэт [Лукашэнкі] на сцяне», — адзначыла Канапацкая.
На сустрэчы гаварылася пра неабходнасць змены выбарчага заканадаўства для правядзення сумленных выбараў, у прыватнасці абавязковага ўключэння ў склад камісій прадстаўнікоў апазіцыі.
Старшыня АГП Анатоль Лябедзька паведаміў прысутным аб стварэнні рабочай групы з ліку актывістаў апазіцыі, якая рыхтуе змены ў Выбарчы кодэкс. Групу ўзначаліла памочнік Канапацкай Антаніна Кавалёва. Лябедзька заклікаў падлучацца да гэтай працы і праяўляць ініцыятыву на месцах.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары