Завадатарку Маршу дармаедаў у Брэсце затрымалі і адвезлі ў псіхдыспансер
Наталлю Папкову затрымалі двое ў міліцэйскай форме нібыта за тое, што яна не з'явілася ў псіханеўралагічны дыспансер. Па звестках на 17.00 пятніцы 3 сакавіка, Наталля Папкова знаходзіцца ў псіхіятрычнай лякарні Брэста, паведамляе «Брэсцкая газета».
Наталля Папкова ўдзельнічала 26 лютага ў Брэсце ў акцыі супраць дэкрэта №3. А ўвечары 2 сакавіка ёй патэлефанавалі з дыспансера і прапанавалі абследавацца, бо на яе прыйшла папера з міліцыі, паведамляе сайт АГП. Наталля вырашыла не ісці: баялася правакацый.
А на наступны дзень, калі Папкова выйшла з дому са сваёй сястрой, да іх падышлі двое міліцыянтаў і прапанавалі ёй пайсці з імі. Яны не дазволілі сястры забраць тэлефон і асабістыя рэчы Наталлі, не патлумачылі, куды яе вязуць. Сказалі толькі, што затрымліваюць Наташу праз тое, што яна праігнаравала візіт у дыспансер, распавяла актывістка АГП Людміла Захаранка. Паводле інфармацыі Захаранкі, Папкову будуць трымаць у лякарні да панядзелка.
Наталля абвясціла галадоўку.
На нядзелю 5 сакавіка ў Берасці запланаваны чарговы пратэст супраць эканамічнай палітыкі ўладаў. На думку актывістаў АГП, затрыманне Папковай, як і ранейшае затрыманне фермера Кабанава, мае на мэце застрашыць людзей і сарваць пратэст.
Чытайце таксама: «Дай закурыць, а грошай?»: лідар пратэстаў у Брэсце Аляксандр Кабанаў вінаваціць міліцыю ў правакацыі
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага1
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары