Рэпера Джоні Гаці (Яўген Зыль) у канцы 2017 года затрымалі ў расійскім Саратаве. Як паведамляе «Цяперашні час», зараз музыка знаходзіцца ў Саратаўскім СІЗА і чакае экстрадыцыі ў Мінск.
Па інфармацыі выдання, у Беларусі на Яўгена заведзена крымінальная справа па артыкуле 328 — «Незаконны абарот наркотыкаў». Рэпера затрымалі 19 снежня 2017 года, калі ён гасцяваў у аднаго з сяброў.
— Я ведаю, што яму пагражалі, казалі, што падкінуць наркату, што ён ніколі не ўбачыць сваю дачку, — кажа ў сюжэце сябар музыканта Даніэль Хацкель.
Апошняя публікацыя ў Instagram беларуса датуецца 16 снежня 2017 года. Адзін з чытачоў пакінуў пад ёй каментар «Свабоду Джоні Гаці».
Сябры рэпера падазраюць, што сапраўдная прычына затрымання рэпера — не наркотыкі. Яны лічаць яго яркім апазыцыянерам Аляксандру Лукашэнку.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары