Гомельская прыбіральня за паўтара мільёна рублёў зачынілася пасля візіту Лукашэнкі
Грамадзкая прыбіральня ў гомельскім парку, папярэдні кошт якой ня менш за паўтара мільёнаў рублёў, не працуе. «Маўзалей» — так ахрысьцілі мясцовыя прыбіральню — працаваў у тэставым рэжыме з 25 кастрычніка, у час Форуму рэгіёнаў Беларусі і Ўкраіны з удзелам кіраўнікоў дзьвюх краінаў Аляксандра Лукашэнкі і Пятра Парашэнкі, піша Радыё Свабода.
Ні кошт наведваньня «маўзалею», ні канчатковы кошт будаўніцтва пакуль не называюцца. Гомельскае ўпраўленьне капітальнага будаўніцтва абяцае назваць кошт пасьля падлікаў і перадачы прыбіральні на балянс парку. Паводле тэндэру,прыбіральня ацэньвалася больш як у 1,5 млн рублёў.
Аб’ект павінен быў здадзены ў сьнежні 2018. Але будаўнікі справіліся раней, і 25 кастрычніка прыбіральня прыняла першых наведвальнікаў — прычым бясплатна.
У адміністрацыі палацава-паркавага ансамблю зазначылі, што прыбіральня не працуе, бо пакуль не прынятая на балянс. Таму невядомы і кошт яе наведваньня.
Працы замаўляла ўпраўленьне капітальнага будаўніцтва. Там адказалі, што цяпер афармляюцца неабходныя паперы, у прыватнасьці, акт уводу аб'екту. Афармленьне дакумэнтаў патрабуе пэўнага часу — да двух месяцаў.
Неафіцыйна ва ўпраўленьні кажуць, што прыбіральня будавалася ва аўральным рэжыме, таму засталіся невялікія недапрацоўкі. Будаўнікі іх ліквідуюць.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары