Чаркашына пра Ярмошыну і боршч: Калі мне трэба выйсці на Плошчу, значыць, мне так трэба
У праграме «Ток» алімпійская медалістка Любоў Чаркашына выказалася наконт таго месца, ці месца жанчыны на кухні. А таксама пра боршч ад Лідзіі Ярмошынай.
— Ці ўмееш ты варыць боршч?
— Есці ўмею ўвогуле шыкоўна (смяецца).
— [Муж] Віця ж умее гатаваць боршч?
— Віця ўмее гатаваць усё. Я таксама ўмею гатаваць усё, але тэарэтычна.
— У мяне ёсць для цябе цытата. Мне цікава, як ты з ёй пагодзішся. Ад тваёй калегі, [расійскай гімнасткі] Ляйсан Уцяшавай.
Журналістка: «Мы жывем у сучасным свеце. Можна не гатаваць»
Ляйсан Уцяшава: «Ну ты тады недажанчына, калі не ўмееш гатаваць».
— Гэта наогул не матыў і не заклік, што жанчына — кухарка. Гэты час ужо сышоў. Цяпер большую колькасць народу можа дазволіць сабе ў нейкіх кафэ харчавацца, калі шчыра. Часам гэта камусьці нават зручней і выгадней. Але я думаю, што гэта было ў Ляйсан закладзена з дзяцінства. Я ведаю шмат сем'яў, у якіх мужчыну да пліты нават не падпускаюць. Я гэта так сама прымаю, як і не прымаю.
— У Беларусі ёсць свой мем пра боршч. Гэта калі Лідзія Ярмошына, старшыня Цэнтрвыбаркама, заявіла пра жанчын якія выйшлі на Плошчу, не пагадзіўшыся ў 2010 годзе з вынікамі выбараў: «Сядзелі б дома лепш і варылі боршч». Цябе абражае такі заклік — тваё месца на кухні?
— Мне непрыемна тое, што за мяне хтосьці вырашае, што мне рабіць. Гэта бесіць проста катастрафічна. Я ад таго, што звару боршч, не буду шчаслівая, а гэта для мяне паказчык. Я буду рабіць усё, што прыносіць мне задавальненне і шчасце. І калі я лічу, што мне трэба выйсці на Плошчу, значыць я так лічу і мне так трэба. А калі я лічу, што мне ў гэты дзень трэба сядзець дома і варыць боршч, значыць, я так нервы супакойваю, пакуль вару гэты долбаны боршч і наразаю бурачкі, моркву.
Выпуск цалкам:
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары