Выбух, які адбыўся раніцай 8 жніўня на ваенным палігоне пад Северадзвінскам (Архангельская вобласць), адбыўся ў ходзе выпрабавання «перспектыўнага паскаральніка» на вадкасным ракетным рухавіку з «атамнай батарэйкай» і не звязаны з работамі па ракеце «Буравеснік», сцвярджаюць расійскія «Известия».
Магчымасці праверыць гэтую версію «Известий» няма.
Газета, спасылаючыся на крыніцы ў Мінабароны Расіі, двух суразмоўцаў у абаронна-прамысловым комплексе і экспертаў, піша, што такая «атамная батарэйка» прызначана для замены традыцыйнага акумулятара, які забяспечвае тэрмастатычнасць (пастаянную тэмпературу паліва, акісляльніка і ўсіх сістэм паскаральніка) і ініцыяцыю (мікравыбух пасля змешвання кампанентаў паліва) рухавіка.
Раней паведамлялася, што інцыдэнт, які здарыўся на ўзбярэжжы Белага мора, можа быць звязаны з выпрабаваннямі элементаў перспектыўнай гіпергукавай ракеты «Цыркон» або з нізкалётнай малазаўважнай крылатай ракетай глабальнай далёкасці «Буравеснік».
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары