Аўстрыя, Чэхія, Славаччына і Славенія зрабілі нашэнне маскі ў публічным месцы абавязковым
«У нашай культуры гэтага, вядома, няма, але менавіта так краіны Азіі прыйшлі да таго, што ў іх усяго некалькі хворых за дзень», — так канцлер Аўстрыі Себасцьян Курц патлумачыў увядзенне абавязковага нашэння масак у крамах з 1 красавіка.
Тая самая мера ўжо некалькі тыдняў як прынятая ў Чэхіі, Славаччыне. Славенія ўвяла тое ж самае правіла адразу пасля Аўстрыі. Яно дзейнічае таксама ва Украіне. Аналагічныя меры разглядае Балгарыя. Вельмі строгія каранцінныя абмежаванні трымае і Сербія.
Усе гэтыя краіны пакуль сумелі не дапусціць, каб эпідэмія ў іх набрала такі маштаб, як у Італіі, Іспаніі, Францыі і краінах Бенілюкса.
Каментары