На яго месца прызначаны Міхаіл Драпаты, які раней займаў пасаду камандуючага Групоўкай аб'яднаных сіл УСУ.
«Я прыняў рашэнне, што новым Галоўнакамандуючым Узброенымі сіламі Украіны стане Міхаіл Драпаты. Разам з Міхаілам, Яўгенам Хмарай і Паўлам Палісам мы вызначылі, якім чынам павінна быць абноўлена структура Генеральнага штаба Узброеных сіл Украіны», — паведаміў прэзідэнт Украіны Уладзімір Зяленскі.
Пры гэтым ён дадаў:
«Фактам застаецца факт: Аляксандр Сырскі забяспечыў вынікі Украіны ў абароне Кіева, у Харкаўскай наступальнай аперацыі і ў Курскай аперацыі. Значны шлях пройдзены, абарона Украіны працягваецца, і неабходныя годныя адносіны да кожнага ваяра. Я ўдзячны Аляксандру Сырскаму і кожнаму нашаму воіну за моцныя пазіцыі Украіны на фронце. Я ўдзячны Міхаілу Драпатаму за менавіта такі погляд. Сёння з Аляксандрам Сырскім і Андрэем Гнатавым мы гаварылі пра далейшыя фарматы службы і правільную перадачу спраў».
«Жаданне ва ўсіх нас адно — перамога над ворагам і дасягненне такіх умоў на фронце і ў ціску на Расію, якія б дазволілі прымусіць Расію да міру. Заўтра фармалізуем усе рашэнні. З гэтай сітуацыі Украіна павінна выйсці мацнейшай, і Расіі будзе складаней. Слава Украіне!», — завяршыў сваю прамову Уладзімір Зяленскі.
Сырскі: Я і не ведаў, што ў нас з Фёдаравым канфлікт, але прашу прабачэння
Украінскае выданне патлумачыла сутнасць прэтэнзій да галоўнакамандуючага Сырскага
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
Міхаіл Фёдараў пацвердзіў, што прычына яго адстаўкі — канфлікт з галоўнакамандуючым УСУ Сырскім
Цяпер чытаюць
Брат беларускай каралевы прыгажосці трапіў у рэанімацыю ў Азербайджане6
Каментары