Вячаслаў Даніловіч, які ганіў бел-чырвона-белы сцяг і хваліў Сталіна, стаў адным з кіраўнікоў Акадэміі навук
Прапагандыст Вячаслаў Даніловіч стаў акадэмікам-сакратаром Аддзялення гуманітарных навук і мастацтваў Нацыянальнай акадэміі навук Беларусі. Яго прозвішча з'явілася на афіцыйным сайце ўстановы, заўважыла «Люстэрка».
Чалавек, які займае гэтую пасаду, курыруе працу ўсіх гуманітарных структур НАН. Гэта інстытуты гісторыі, сацыялогіі, філасофіі, эканомікі і іншыя.
Вячаслаў Даніловіч па спецыяльнасці гісторык-педагог. У НАН ён перайшоў у 2006 годзе ўслед за сваім кіраўніком з БДПУ Аляксандрам Каваленем. Менавіта Каваленя з 2009 года займаў пасаду акадэміка-сакратара, але сёлета яму споўнілася 80 гадоў, і, верагодна, ён выйшаў на пенсію, перадаўшы пасаду свайму пратэжэ.
Даніловіч паспеў пабыць кіраўніком Інстытута гісторыі, рэктарам Акадэміі кіравання, а ў 2024 годзе стаў дэпутатам Палаты прадстаўнікоў. Ён з'яўляецца адным з галоўных экспертаў дзяржаўнай прапаганды, рэгулярна выступаючы ў дзяржаўных СМІ і на тэлебачанні.
У жніўні 2020 года Даніловіч у тэлеэфіры спрабаваў дыскрэдытаваць бел-чырвона-белы сцяг, сцвярджаючы, што гэта сцяг калабарантаў (маючы на ўвазе БНР), якія нібыта нават не збіраліся ствараць незалежную дзяржаву. Гэтыя заявы адразу ж былі абвергнутыя іншымі гісторыкамі.
Таксама Даніловіч усхваляў Іосіфа Сталіна, які быў ініцыятарам масавых рэпрэсій: «Той жа Іосіф Вісарыёнавіч Сталін адыграў вялікую ролю ў дасягненні перамогі, як бы мы да яго ні ставіліся. Таму што адна справа, калі патрыятычна настроена грамадства, але вельмі важна, калі гэтаму грамадству ёсць вакол каго аб’яднацца. Ёсць лідар — як у нас у Рэспубліцы Беларусь», — казаў ён.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары
Так Сталін бы яго першага б расстраляў, проста за тое, што навуковец і беларускае прозвішча мае. Даніловіч, мяняй прозвішча на Данілаў.
І ў Курапаты схадзі, паглядзі на крыж расстраляным тваім Сталіным Беларускіх навукоўцаў. Успомні, сколькі ён расстраляў беларускіх гісторыкаў, архітэктараў, паэтаў, пісьменнікаў.
І многія з іх, каб выжыць, нават хвалебныя вершы пісалі Сталіну. Не дапамагло. Іх усё роўна забілі сталінскія нвкдзісты.