Вярхоўны суд Расіі прызнаў экстрэмісцкай арганізацыяй беларускіх «Кіберпартызан»
Таксама экстрэмісцкай прызнана група Silent Crow. Абедзве групы заяўлялі пра сваю датычнасць да маштабнага збою ў сістэмах «Аэрафлота», праз які авіяперавозчык быў вымушаны адмяніць дзясяткі рэйсаў.
«Суд пастанавіў задаволіць заяву генеральнага пракурора, прызнаць хакерскія групоўкі экстрэмісцкімі і забараніць іх дзейнасць у РФ», — абвясціў рашэнне суддзя Алег Бугакоў, піша РБК.
Найбольш вядомай сумеснай акцыяй Silent Crow і «Кіберпартызаны» стала атака на IT-інфраструктуру «Аэрафлота» 28 ліпеня 2025 года. Авіякампанія паведаміла пра збой інфармацыйных сістэм, які прывёў да масавай адмены і пераносу рэйсаў з Шарамеццева.
Хакеры сцвярджалі, што каля года знаходзіліся ўнутры карпаратыўнай сеткі перавозчыка, атрымалі доступ да камп'ютараў супрацоўнікаў і вялікіх масіваў інфармацыі, скапіявалі поўную базу даных гісторыі пералётаў і ўсталявалі кантроль над камп'ютарамі супрацоўнікаў.
Паводле іх версіі, было скапіявана 22 ТБ інфармацыі і знішчана 7 тысяч сервераў.
«Аэрафлот» гэтыя сцвярджэнні не пацвярджаў, а пазней Раскамнагляд заявіў, што інфармацыя пра ўцечку персанальных даных кліентаў або супрацоўнікаў не пацвердзілася.
Пасля ўступлення рашэння ў законную сілу дзейнасць абедзвюх груп будзе забаронена ў Расіі, а арганізацыя іх працы, удзел у іх дзейнасці і фінансаванне могуць пацягнуць адказнасць паводле артыкулаў Крымінальнага кодэкса аб экстрэмісцкай дзейнасці.
«Кіберпартызаны» яшчэ ў лістападзе 2021 года ў Беларусі былі прызнаныя тэрарыстычнай арганізацыяй.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары