Грамадства1515

Докшыцкая пляма. За некалькі дзён у маленькім гарадку ад пнеўманіі памерлі, як мінімум, трое

Докшыцы на слыху апошнімі днямі — у невялікім горадзе на 7 тысяч жыхароў налічылася 85 хворых на пнеўманію. 

Сярод іх ёсць і людзі з каранавірусам, але ўлады пакуль не паведамілі дакладную колькасць інфіцыраваных.

Дадзеная колькасць пнеўманій была па стане на пазаўчора, 7 красавіка.

Чытайце: У Докшыцах 85 хворых на пнеўманію

Між тым, жыхары горада сігналізуюць «Нашай Ніве», што толькі за апошнія некалькі дзён сярод гэтых пнеўманій трапіліся тры смяротныя выпадкі.

Докшыцы, фота Маршрут.бел

Раніцай 9 красавіка ў мясцовай бальніцы памёр пенсіянер Аляксандр Шкелка, яму было каля 65 гадоў.

Пра смерць мужчыны «Нашай Ніве» паведамілі ў сям’і яго брата. Афіцыйная прычына смерці — двухбаковая пнеўманія. 

«Ён спачатку быў дома, тэмпература была 39. Пасля дактары вырашылі забіраць яго ў бальніцу, туды паклалі і яго жонку. У абаіх дыягнаставалі пнеўманію. Аляксандру стала горш, яго перавялі ў рэанімацыю, некаторы час ляжаў пад апаратам штучнай вентыляцыі. І ўсё — няма чалавека. Адкуль што ўзялося, незразумела», — кажуць сваякі. 

Ці быў у мужчыны каранавірус, пакуль ніхто не ведае.

«Павязуць у Полацк, там ці то будуць ускрываць, ці то што. Можа, тады будзе штосьці вядома», — кажуць сваякі.

Жонка Аляксандра Шкелкі ўсё яшчэ сама ляжыць у бальніцы з пнеўманіяй.

Раней, 7 красавіка, памёр пенсіянер па прозвішчы Пашэвіч. Ягоны сын расказаў «Нашай Ніве», што бацька занядужаў тыдні два таму — прастудзіўся, калі ехаў на ровары. Запалілася вуха, потым знайшлі пнеўманію. Яна і стала прычынай смерці.

«Вазілі на ўскрыццё ў Полацк, аналіз на каранавірус бралі, але вынікаў няма. У мяне аналізаў не бралі, дый ніякіх рэкамендацый хаваць у закрытай труне не было. У пасведчанні аб смерці напісана пнеўманія», — расказаў сын і дадаў, што назірае ў горадзе паніку, але не ведае «з рэзонам ці без рэзону».

Ад дактароў мясцовай бальніцы нам стала вядома пра трэцяга памерлага ў гэтыя ж дні. Пакуль рэпарцёры не здолелі звязацца з сям'ёй Сцяпана К. — нібыта чалавек у бойцы пашкодзіў рэбры, а ў бальніцы яму дыягнаставалі пнеўманію.

Сваякі іншага жыхара Докшыцаў, тэхнічнага работніка мясцовага Дома культуры, расказваюць, што ён знаходзіцца на апараце штучнай вентыляцыі лёгкіх.

Таксама ў бальніцы па-ранейшаму знаходзяцца манахі-капуцыны, якія зляглі з пнеўманіямі.

Чытайце. «Ляжаць пад кропельніцамі». У Докшыцах каталіцкія святар і манах трапілі ў бальніцу з пнеўманіямі

Святар Алег Шэнда сказаў «Нашай Ніве», што стан манахаў задавальняючы — пацверджаных тэстаў на каранавірус няма, першыя аказаліся адмоўнымі.

Докшыцкі раён месціцца ў заходняй частцы Віцебскай вобласці. У ім жыве ўсяго каля 22 тысяч чалавек. У саміх Докшыцах жыве каля 7 тысяч чалавек.

Каментары15

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць