Свет

Нарэшце скончылі падлік галасоў на выбарах у Алясцы. У дэмакратаў будзе яшчэ адзін сенатар

Аляска стала апошнім амерыканскім штатам, дзе падвялі вынікі выбараў у Сенат ЗША. Перамогу атрымала прадстаўніца Дэмакратычнай партыі Мэры Пелтала, якая набрала 50% галасоў і апярэдзіла дзейнага сенатара-рэспубліканца Дэна Салівана больш чым на чатыры працэнтныя пункты.

Мэры Пелтала. Фота: AP Photo/Lindsey Wasson

Такім чынам, паводле вынікаў прамежкавых выбараў у Кангрэс ЗША, дэмакраты атрымалі ў Сенаце 56 месцаў, а рэспубліканцы — 44. Перамога Пелталы забяспечыла Дэмакратычнай партыі найбольшую перавагу ў верхняй палаце Кангрэса з 2009 года.

Аляска стала апошнім штатам, дзе вызначыўся пераможца сенатарскіх выбараў. Доўгі падлік галасоў тлумачыцца вялікай тэрыторыяй штата, наяўнасцю шматлікіх цяжкадаступных населеных пунктаў, а таксама працяглым тэрмінам прыёму бюлетэняў, дасланых поштай. Іх можна атрымліваць яшчэ на працягу 15 дзён пасля дня выбараў.

53‑гадовая Мэры Пелтола стала першай прадстаўніцай карэнных народаў Аляскі, абранай у Сенат. Яе маці належала да народа юпікаў, а бацька меў нямецкае паходжанне. Сама Пелтала шмат гадоў працавала ў сферы рыбалоўства.

У 2022 годзе яна трапіла ў Палату прадстаўнікоў Кангрэса, заняўшы месца памерлага кангрэсмена-рэспубліканца. Аднак праз два гады прайграла выбары іншаму кандыдату ад Рэспубліканскай партыі.

Дэмакраты не перамагалі на выбарах у Сенат ад Аляскі з 2008 года. Штат традыцыйна падтрымлівае рэспубліканцаў: на прэзідэнцкіх выбарах 2024 года Дональд Трамп атрымаў там перамогу з перавагай у 13 працэнтных пунктаў.

Пелтала здолела скарыстацца незадаволенасцю жыхароў Аляскі высокім коштам жыцця, асабліва падаражаннем паліва. Рост цэн на яго звязваюць з вайной супраць Ірана, якую пачала адміністрацыя Трампа.

Выбарчая кампанія суправаджалася некалькімі скандаламі. Найбольшую ўвагу прыцягнула з'яўленне ў бюлетэнях другога кандыдата з імем Дэн Саліван. Акрамя дзейнага сенатара-рэспубліканца, за месца ў Сенаце змагаўся былы настаўнік з невялікай рыбацкай вёскі, які таксама балатаваўся ад Рэспубліканскай партыі.

Другі кандыдат з імем Дэн Саліван, аднак, атрымаў толькі 1,7% галасоў і, верагодна, не адыграў вырашальнай ролі ў выніку выбараў. Пелтала здолела перамагчы ўжо ў першым туры падліку галасоў, нягледзячы на прысутнасць у бюлетэнях яе асноўнага саперніка-цёзкі.

Адначасова на Алясцы праходзілі выбары ў Палату прадстаўнікоў Кангрэса, але іх вынікі пакуль не падведзеныя. Паводле папярэдніх звестак, лідзіруе рэспубліканец Нік Бегіч, якому Пелтала прайграла выбары ў ніжнюю палату Кангрэса ў 2024 годзе.

Каментары

Цяпер чытаюць

Від на Каложскую царкву безнадзейна сапсаваны9

Від на Каложскую царкву безнадзейна сапсаваны

Усе навіны →
Усе навіны

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой56

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

больш чытаных навін
больш лайканых навін

Від на Каложскую царкву безнадзейна сапсаваны9

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць