Супраць актывіста «Народнай грамады» Сяргея Спарыша заведзена крымінальная справа

Фота Уладзя Грыдзіна
На актывіста і прэс-сакратара «Народнай грамады» Сяргея Спарыша заведзена крымінальная справа па ч.1 арт. 342 КК РБ («Арганізацыя ці актыўны ўдзел у дзеяннях, што груба парушаюць грамадскі парадак»), паведамляе spring96.org
Ён знаходзіцца ў ізалятары часовага ўтрымання на вул. Акрэсціна. Яго справа таксама звязаная з інцыдэнтам на выбарчым пікеце па зборы подпісаў за Святлану Ціханоўскую ў Горадні 29 мая, па якой праходзіць шэраг іншых людзей.
Сяргей Спарыш быў гвалтоўна затрыманы 25 чэрвеня. Супрацоўнікі ў цывільным фактычна выцягнулі яго з уласнай кватэры. Актывіста амаль без адзення цягнулі з кватэры па прыступках. Тады яго забралі адбываць 15 сутак, якія ён раней атрымаў за ўскладанне кветак на Вайсковых могілках 8 мая.
Spring96.org нагадвае, што на дадзены момант ужо 18 чалавек знаходзяцца пад вартай у межах крымінальных спраў па арт. 342 КК РБ. Гэта блогеры Сяргей Ціханоўскі, Уладзімір Няронскі, Сяргей Пятрухін, Аляксандр Кабанаў, Уладзімір Цыгановіч, Зміцер Казлоў, Ігар Лосік, затрыманыя пасля інцыдэнту ў Гродне Зміцер Фурманаў, Вяргілій Ушак, Арцём Сакаў, Аляксандр Арановіч, Уладзімір Навумік, Васіль Баброўскі, Яўген Разнічэнка, Уладзімір Кніга, Андрэй Новікаў, палітык Мікалай Статкевіч, Сяргей Спарыш.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары