Suprać aktyvista «Narodnaj hramady» Siarhieja Sparyša zaviedziena kryminalnaja sprava
Fota Uładzia Hrydzina
Na aktyvista i pres-sakratara «Narodnaj hramady» Siarhieja Sparyša zaviedziena kryminalnaja sprava pa č.1 art. 342 KK RB («Arhanizacyja ci aktyŭny ŭdzieł u dziejańniach, što hruba parušajuć hramadski paradak»), paviedamlaje spring96.org
Jon znachodzicca ŭ izalatary časovaha ŭtrymańnia na vuł. Akreścina. Jaho sprava taksama źviazanaja ź incydentam na vybarčym pikiecie pa zbory podpisaŭ za Śviatłanu Cichanoŭskuju ŭ Horadni 29 maja, pa jakoj prachodzić šerah inšych ludziej.
Siarhiej Sparyš byŭ hvałtoŭna zatrymany 25 červienia. Supracoŭniki ŭ cyvilnym faktyčna vyciahnuli jaho z ułasnaj kvatery. Aktyvista amal biez adzieńnia ciahnuli z kvatery pa prystupkach. Tady jaho zabrali adbyvać 15 sutak, jakija jon raniej atrymaŭ za ŭskładańnie kvietak na Vajskovych mohiłkach 8 maja.
Spring96.org nahadvaje, što na dadzieny momant užo 18 čałaviek znachodziacca pad vartaj u miežach kryminalnych spraŭ pa art. 342 KK RB. Heta błohiery Siarhiej Cichanoŭski, Uładzimir Niaronski, Siarhiej Piatruchin, Alaksandr Kabanaŭ, Uładzimir Cyhanovič, Źmicier Kazłoŭ, Ihar Łosik, zatrymanyja paśla incydentu ŭ Hrodnie Źmicier Furmanaŭ, Viarhilij Ušak, Arciom Sakaŭ, Alaksandr Aranovič, Uładzimir Navumik, Vasil Babroŭski, Jaŭhien Raźničenka, Uładzimir Kniha, Andrej Novikaŭ, palityk Mikałaj Statkievič, Siarhiej Sparyš.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary