Выбары-202066

З'явілася АЎДЫЯ, як уся камісія з Віцебска цісне на настаўніцу, каб тая падпісала сфальсіфікаваны пратакол 

На YouTube з'явілася яшчэ адно аўдыяпацвярджанне, як праходзіла галасаванне на выбарах прэзідэнта ў Віцебску: старшыня ўчастковай выбарчай камісіі №26 у СШ №44 Марына Печань прымушае калег падпісаць сфальсіфікаваны пратакол, піша TUT.BY. Адзначым, што гэта ўсё тая ж 44-я віцебская школа, у якой раней з'явіўся аўдыязапіс, які пацвярджае, што, як мяркуецца, кіраўнік раёна Сяргей Сташэўскі прымушаў настаўнікаў на ўчастку №25 змяніць пратакол пасля выбараў.

На новым запісе чутна размова старшыні ўчастковай камісіі, выхавальніцы прадоўжанага дня віцебскай СШ №44 Марыны Печань, з яе членамі.

Марына Печань і калегі просяць падпісаць «іншы» пратакол, які адрозніваецца ад гэтага, настаўніцу, да якой звяртаюцца «Света».

Святлана пярэчыць:

— Тут няпраўда, Марына Мікалаеўна.

— Я разумею, што тут няпраўда, Света, — згаджаецца Марына Печань.

Далей некаторыя фразы вымаўленыя неразборліва.

— І як я буду свайму дзіцяці ў вочы глядзець? — пытаецца сябра камісіі Святлана.

(Мяркуючы па ўсім, гэта настаўніца малодшых класаў Святлана Шунякова. З усіх членаў камісіі толькі яе імя ў падпісаным пратаколе пачынаецца на С. і толькі яе подпісу ў ім няма. — Заўв. TUT.BY.)

Фота прадастаўлена віцебскімі незалежнымі назіральнікамі

— Света, як ты не можаш зразумець: іх знімуць заўтра [як мяркуецца, гаворка пра сфальсіфікаваныя пратаколы].

— Марына, я цябе прасіла: не ўмешвай мяне [усе]. Я не хацела [быць у камісіі]. Я ў траўні табе пра гэта казала.

— Канец [меркавана — фальсіфікацыям пры падліку галасоў на выбарах] будзе, але, напэўна, не ў гэты раз.

— Хай будзе канец, але не з маім подпісам. Хочаце, падрабляйце [мой подпіс].

— Але ў мяне не прымуць дакументы, Света, — спрабуе ўгаварыць калегу Марына Печань.

— Марына, не цісні мне на сумленне. Я не ведаю, як мне спаць, калі я падпішу гэта.

Святлану «бяруць у абарот» і іншыя калегі:

— У нас ёсць дзеці, мы ўсе за іх баімся. Ёсць крэдыты.

— Вось менавіта: у мяне ёсць дзеці, — адстойвае сваю пазіцыю Святлана.

У нейкі момант у памяшканні гучаць мужчынскія галасы:

— Дзяўчаты, вам дапамагчы?

— Не, пакуль усё добра.

Святлану зноў пачынаюць «апрацоўваць».

— Я не змагу выехаць, пакуль не будзе да канца падпісаны пратакол, — кажа старшыня камісіі.

— Ну як так, Марына? — здзіўляецца Святлана. — Нават блізка там [у пратаколе] няма таго, што праўда!

— Я разумею гэта ўсё. Света, у мяне ў самой вось тут вось [як мяркуецца, паказвае на горла], — запэўнівае Печань.

— Я вас прасіла-маліла: не стаўце мяне нікуды, — амаль са слязьмі кажа Святлана.

Жанчыны працягваюць эмацыйна абмяркоўваць тое, што адбываецца.

У памяшканне зноў заходзіць мужчына:

— Можа быць, нам умяшацца ў гэты працэс?

— Не, не трэба, — запэўніваюць яго жанчыны.

— А вы сёння будзеце спаць наогул? — пытаецца ў калег Святлана.

— Давайце не будзем гучна гаварыць, прыцягваць да сябе ўвагу, — сыходзіць ад адказу на пытанне Печань.

У рэшце рэшт Святлану даводзяць да слёз, але яна не падпісвае пратакол.

Адна з калегаў у яе пытаецца:

— Света, што нам рабіць?

— Жыць сумленна, — адказвае педагог.

TUT.BY не змог атрымаць аператыўны каментар па сітуацыі ні ў аднаго з меркаваных удзельнікаў.

Мы датэлефанаваліся толькі да дырэктара СШ №44 Віцебска Сяргея Піталенкі.

— Вось ужо другі аўдыязапіс з вашай школы трапіў у інтэрнэт.

— На жаль.

— Скажыце, на гэтым запісе размаўляюць паміж сабой супрацоўнікі вашай школы?

— Не ведаю. Не буду каментаваць. Як гаворыцца, я на паўзе. Я быў на ўчастку №25, займаўся сваёй працай. І што адбывалася на ўчастку №26, не ведаю.

— Мы можам атрымаць каментары адносна гэтага запісу ва ўдзельнікаў размовы: Марыны Печань і Святланы Шуняковай?

— Яны ўсе ў адпачынку. У школе іх няма.

Каментары6

Цяпер чытаюць

Затрымалі кіраўніцтва Kvitki.by2

Затрымалі кіраўніцтва Kvitki.by

Усе навіны →
Усе навіны

Беларуска Дар'я распавяла, чаму прынцыпова не пайшла рабіць ЭКА бясплатна. Колькі ў выніку заплаціла?4

Дроны разбамбілі НПЗ у Самары і Краснадарскім краі. А расійская ракета ўшчэнт разнесла пяціпавярховік у Кіеве7

Украінец прывёз з расійскага палона ката. Кот адсядзеў са сваімі гаспадарамі чатыры з паловай гады

З раскошным катафалкам і жалобнай працэсіяй. Каго з беларусаў хавалі ў Вільні з найбольшай помпай?37

Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго9

Беларуска знайшла ў марожаным «Каштан» нечаканы прадмет2

Афрыканскі Лукашэнка прысудзіў свайму сыну шэсць гадоў турмы4

У Казахстане раптам адмянілі канцэрт Макса Каржа. Гэта ўжо другі раз13

Трамп заклікаў прыцягнуць да адказнасці Джорджа Сораса11

больш чытаных навін
больш лайканых навін

Затрымалі кіраўніцтва Kvitki.by2

Затрымалі кіраўніцтва Kvitki.by

Галоўнае
Усе навіны →

Заўвага:

 

 

 

 

Закрыць Паведаміць