Маці Рамана Бандарэнкі паказала яго аналізы на алкаголь — нуль праміле ФОТАФАКТ
Алена Бандарэнка, мама загінулага Рамана, перадала Рэдакцыі «Нашай Нівы» копію лабараторнага аналізу крыві яе сына. У гэтым дакуменце відаць, што этылавага спірту ў крыві Рамана Бандарэнкі няма — у выніку аналізу стаіць 0.
«Гэта аналіз, які бралі ў Рамана адразу пасля яго паступлення ў бальніцу. Я бачыла гэты вынік у яго медыцынскай карце сваімі вачыма яшчэ раніцай пасля яго шпіталізацыі, калі Раман яшчэ быў жывы», — паведаміла Алена.
Што тычыцца сімвалаў насупраць аналізаў мачы і сліны, якія падобныя на лічбу 7, маці кажа, што гэта лацінскія літары Z. Прасцей кажучы — прочыркі.
Таксама Алена дала дазвол на публікацыю дакумента:
«Я, Алена Бандарэнка, маці Рамана Бандарэнкі, афіцыйна дазваляю вам публікаваць вынікі лабараторных даследаванняў, якія я вам даслала».
Цяпер чытаюць
Новым спікерам Каардынацыйнай рады, хутчэй за ўсё, стане Арцём Брухан2
Каментары