Суд Першамайскага раёна Мінска (суддзя Максім Трусевіч) асудзіў Мікіту Харловіча на 5 гадоў у калоніі ўзмоцненага рэжыму. Мужчыну пакаралі за падрыхтоўку да ўдзелу ў масавых беспарадках шляхам вырабу кактэйляў Молатава, піша spring96.org.
Дзеянні Харловіча кваліфікавалі паводле двух артыкулаў Крымінальнага кодэкса: ч. 1 арт. 295-3 (Незаконныя дзеянні з прадметамі, дзеянне якіх заснавана на выкарыстанні гаручых рэчываў) і арт. 13 ч. 2 арт. 293 (Удзел у масавых беспарадках).
Мікіту затрымалі 27 верасня супрацоўнікі ГУБАЗіКа ў мінскай Курасоўшчыне каля лесапаласы: у хлопца з сабой былі дзве бутэлькі кактэйля Молатава — ён ішоў іх тапіць у тэхнічным вадаёме, але не паспеў. На судзе ён заявіў, што ў аддзяленні яго білі, каб атрымаць «патрэбныя паказанні» для відэароліка. У выніку яго вымусілі іх даць.
Харловіча абвінавацілі, што ён вырабіў два кактэйлі Молатава, якія захоўваў у сябе ў падвале, а 27 верасня ўзяў іх з сабой і пайшоў на пратэст, «аднак злачынства не было даведзена да канца па незалежных ад яго абставінаў з прычыны спынення злачыннай дзейнасці супрацоўнікамі МУС».
Мікіта прызнаў віну ў вырабе кактэйляў Молатава, але паводле другога артыкула — не: ён не збіраўся ўдзельнічаць у масавых беспарадках.
На судзе праз скайп, са змененым голасам і ў балаклаве дапыталі знаёмага — Аляксандра Качанава, які сведчыў супраць Мікіты. Харловіч заявіў, што гэтыя паказанні сведкі-знаёмага — «поўны паклёп і хлусня»:
«Я ніколі не казаў Сашу, што хачу прымяніць кактэйлі Молатава на нейкіх акцыях пратэсту. Я яму і не казаў, што вырабляў іх. Сашу затрымалі 9-12 жніўня. І я не ведаю, што ён цяпер адпрацоўвае перад супрацоўнікамі ГУБАЗіКа, якія ён грахі замольвае. Гэта заведама лжывыя паказанні супраць мяне».
Харловічу таксама інкрымінавалі радыкальную перапіску ў тэлеграм-чаце «Мінск 97», што нібы пацвярджае ягоны намер удзельнічаць у масавых беспарадках, але Мікіта сказаў, што не пісаў такое. Адвакат знайшоў у тэлеграме карыстальніка дакладна з такім самым нікам, як і ў Харловіча.
-
«Ідэя ўзнікла пасля званка выбаршчыцы». Беларуская дэпутатка стварыла сайт з тысячамі магіл
-
Арганізацыя, якой кіруе Шуневіч, пахвалілася чарговым забойствам — чырванакніжнай рысі
-
«Ну, пообщались два зэка немного. Зачем же за это наказывать строго?» Вінаградаў у калоніі пісаў вершаваныя тлумачальныя. Што яму за гэта было?
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары