А 2-й гадзіны ночы ў вёсцы Бобр, дзе жыве мастак, быў ператрус. Праводзілі яго ў хаце і ў майстэрні, паведамляе Беларускі фонд культурнай салідарнасці.
«Прыязджалі людзі з Гродзенскага СК і пяцёра амапаўцаў. Забралі тэлефоны і тэхніку ўсіх чальцоў сям'і. У майстэрні пашкодзілі карціны, пабілі шкло», — паведамляе БФКС.
Учора пракуратура Гродна завяла крымінальную справу за «рэабілітацыю і апраўданне нацызму» (частка 3 артыкула 130 Крымінальнага кодэкса Беларусі) супраць Алеся Пушкіна і кіраўніка прыватнай установы «Цэнтр гарадскога жыцця» (Гродна) Паўла Мажэйкі.
Справа датычыць карціны аўтарства Пушкіна, якая была на выставе ў Гродне ў «Цэнтры гарадскога жыцця». Павел Мажэйка быў затрыманы, а Алесь Пушкін учора вечарам вярнуўся з Кіева ў Беларусь.
Цяпер чытаюць
«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы1
Каментары