На Алімпіядзе ў Токіа Беларусь заваявала сем медалёў. Гэта найгоршы вынік у гісторыі
Сёння апошні дзень Алімпіяды.
У мнагабор'і ў мастацкай гімнастыцы беларускі занялі пятае месца з вынікам 84,050. Перамагла Балгарыя з вынікам 92,100.
У омніуме (веласпорт) Таццяна Шаракова заняла 16-е месца.
Такім чынам, у беларусаў на Алімпіядзе сем медалёў:
золата Івана Літвіновіча (батут),
срэбра: Ірыны Курачкінай, Магамедхабіба Кадзімагамедава (вольная барацьба) і жаночай байдаркі-чацвёркі (Марына Літвінчук, Вольга Худэнка, Маргарыта Махнева, Вольга Папок),
бронза: Ванэсы Каладзінскай (вольная барацьба), Максіма Недасекава (скачкі ў вышыню), Аліны Гарнасько (мастацкая гімнастыка).
Адзначым, што з сямі узнагарод тры медалі заваяваныя ў вольнай барацьбе.
У агульным заліку Беларусь на 45-м месцы. Украіна — 44-я, у іх адзін залаты, шэсць сярэбраных і 12 бронзавых.
У Польшчы — 17-е месца: 4+5+5, у Літвы адзін медаль (срэбра), у Латвіі адзін залаты і адзін бронзавы.
Найбольшую колькасць узнагарод заваявалі ЗША — 39 залатых. 40 сярэбраных і 33 бронзавыя (усяго 112)
На Алімпіядзе ў Рыа-2016 у Беларусі было дзевяць медалёў (1+4+4), у Лондане-2012 — 10 (2+5+3), у Пекіне-2008 — 14 (3+4+7). Найбольш ўзнагарод было ў Сіднэі-2000 — 17 (3+3+11). У Афінах у 2004-м і Атланце ў 1996-м было па 15 медалёў.
Мінгандлю выпадкова зліло дакумент, у якім паказала, як і за што налічвае прэміі11
Каментары