Ад 290 да 670 рублёў. Топ пухавікоў ад беларускіх дызайнераў
Галоўная рэч у гардэробе на халодны сезон — пухавік. Супераб'ёмны, прыталены, са штучным футрам… Паглядзелі навінкі ад айчынных брэндаў і цэны на іх.
Zibra
Гэты моладзевы брэнд — за дзёрзкасць і зручнасць. Яны шыюць пухавікі розных колераў — ад спакойнага мока і малочнага да зялёнага і блакітнага. Ёсць укарочаныя і даўгія мадэлі. Асабліва ўтульна выглядаюць паліто з сацінавай тканіны, аксамітавай навобмацак.
LSD
Дызайнеры на гэту зіму выпусцілі максі-пухавікі. «Мы натхняліся легендарным пухавіком-коўдрай 1999 года Martin Margiela, а таксама самым утульным месцам дома — цёплым ложкам», — падзяліліся яны. У паліто здымны падшываны шалік. Пухавік разлічаны нават на суровыя маразы да -25.
Брэнд выпускае таксама кажухі з эка-скуры — у ізумрудным, чорным і бэжавым колерах.
Citydzen
Пухавікі-аблокі выпускае Citydzen. Калі любіце аб’ёмныя рэчы і яркія колеры — тое, што трэба. У дызайнераў ёсць і незвычайная мадэль — кейп-палатка. Модны, цёплы і добра глядзіцца на фоне шэрых панэлек і белага снегу.
MURMUR
Гэты брэнд прапануе класічны прыталены пухавік з поясам. Стрыманыя колеры (пясочны, шэра-блакітны) лёгка ўпішуцца ў дзелавы ці штодзённы дрэс-код.
Achinovich
Дызайнерка стварае адзенне для тых, хто стаміўся ад звычайнай базы і любіць графічны дызайн. Зімовыя паліто — не выключэнне. Асабліва ўтульна выглядае мадэль са штучным футрам. Паліто добра спалучаюцца і з грубымі чаравікамі, і з класічнымі лодачкамі.
Элема
Пры выпуску навінак фабрыка зрабіла стаўку на А-сілуэт, каўняры з футра трусіка і колер металік. У такім пухавіку вам гарантаваны вобраз саліднай жанчыны. Калі шукаеце больш разняволены варыянт, прыгледзьцеся да папярэдніх калекцый.
ZNWR
Так, напэўна, выглядаў бы пухавік касманаўта, у якім нястрашна выходзіць у адкрыты космас. Але і для беларускай зімы, дзе часам здараюцца моцныя завеі і маразы, удалы варыянт. Высокі каўнер-стойка абароніць ад ветру, а падкладка са стылёвым прынтом — ад хандры.
Дзмітрый Лукашэнка хоча паставіць пад кантроль усе мабільныя тэлефоны11
Каментары