Немцы не будуць дапамагаць украінцам зброяй. Дапамогуць толькі лячыць параненых
Міністарка абароны Германіі афіцыйна аб’явіла 22 студзеня, што яе краіна дапаможа Украіне ў канфлікце з Расіяй, але падкрэсліла, што пра пастаўкі зброі гаворкі не ідзе.
Крыстын Ламбрэхт у інтэрвію газэце Welt am Sonntag заявіла, што ва Украіну ў лютым прыбудзе палявы шпіталь. Адначасова будзе забяспечана навучальна-трэніровачная база для ўкраінскага медыцынскага персаналу, паведамляе Радыё Свабода.
Германія ўжо паставіла Украіне рэспіратары, а таксама ў шпіталях Нямеччыны знаходзяцца на лячэнні цяжка параненыя на ўсходзе Украіны ўкраінскія салдаты.
Што да паставак зброі, то, на думку сацыял-дэмакраткі Ламбрэхт, яны «не дапамогуць паслабленню супрацьстаяння паміж Расіяй і Украінай». І гэта не яе асабістая думка — такая пазіцыя, паводле міністаркі абароны, карыстаецца поўнай падтрымкай усіх членаў фэдэральнага ўрада на чале з канцлерам Олафам Шольцам.
Іншыя краіны НАТА, у тым ліку і ЗША, трымаюцца адносна паставак узбраення Украіне іншай пазіцыі, яны гатовыя гэта рабіць. Берлін жа, як паведамляў у пятніцу The Wall Street Journal, блакуе нават пастаўкі ўзбраення з Эстоніі — на той падставе, што раней гэтая зброя належала Германіі.
Нямецкая палітыка выклікала вострую крытыку з боку афіцыйнага Кіева.
Чытайце таксама:
Брытанія адправіла Украіне 2000 адзінак супрацьтанкавай зброі
NYT: Калі Расія акупуе Украіну, ЗША падтрымаюць партызанскі рух у ёй
Цяпер чытаюць
Манекен дзяўчынкі на вакзале ў Мінску напалохаў і насмяшыў сацсеткі5
Каментары