Грамадства

Палітвязень Мікіта Емяльянаў ужо 38 дзён у карцары, з 3 лютага ён галадае

Палітвязень Мікіта Емяльянаў, які адбывае пакаранне ў магілёўскай турме, ужо 38 дзён знаходзіцца ў карцары. І трэці тыдзень ён галадае.

Мікіта Емяльянаў.

8 лютага сваякі паслалі яму 50-кілаграмовую пасылку, якую адміністрацыя калоніі не забірала два тыдні. Вядома, што супрацоўнікі магілёўскай пошты неаднаразова пасылалі ў калонію паведамленні з патрабаваннем забраць яе. Па дадзеных сайта Белпошты, пасылка была дастаўлена толькі 23 лютага — праз 15 дзён пасля адпраўкі.

Да 23 лютага Мікіта быў змешчаны ў карцар, дзе знаходзіўся 38 дзён запар. Са жніўня 2021 года гэта пяты раз, калі палітвязень прысуджаецца да сутак у карцары.

У жніўні—верасні мінулага года ён правёў у карцары 42 дні, у кастрычніку-лістападзе — 30 сутак, у снежні-студзені — 13 сутак, а цяпер — яшчэ 38.

3 лютага Мікіта ў знак пратэсту абвясціў сухую галадоўку. З-за дрэннага самаадчування ён пачаў піць ваду, але галадоўку не спыніў. Пакуль невядома, ці галадае ён яшчэ і цяпер, бо адвакат пакуль не меў магчымасці наведаць Мікіту.

Анархісты Мікіта Емяльянаў і Іван Комар 12 лютага мінулага года былі асуджаныя на 7 гадоў пазбаўлення волі ў калоніі ўзмоцненага рэжыму кожны. Іх прызналі вінаватымі ў пашкоджанні маёмасьці і незаконных дзеяннях з гаручымі рэчывамі ў групе па папярэдняй змове.

Гаворка ідзе пра дзве акцыі: у будынак суда кінулі лямпачку з фарбай, а ў будынак СІЗА — бутэльку з запальнай сумессю, якая ў выніку не загарэлася. Абедзве акцыі былі звязаныя з судом над анархістам Дзмітрыем Паліенкам і былі пратэстам супраць пераследу палітвязняў.

Пазней судовая калегія Мінгарсуда разгледзела апеляцыі і змяніла прысуд па некалькіх частках абвінавачвання. Выніковае пакаранне вызначана шляхам частковага складання: Емельянову — 4 гады, а Комару — 3,5 гады ўзмоцненага рэжыму. У студзені Комар выйшаў на свабоду па ўмоўна-датэрміновым.

27 студзеня Емяльянава пачалі судзіць па артыкуле 411 КК РБ («злоснае непадпарадкаванне патрабаванням супрацоўнікаў папраўчай установы»). Яму пагражае яшчэ два гады пазбаўлення волі.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць