Прэм'ер Літвы: Не хацелася б бачыць, як адказнасць за злачынствы Пуціна і Лукашэнкі звальваюць на невінаватых
Прэм'ер-міністр Літвы Інгрыда Шыманіце 1 сакавіка на прэс-канферэнцыі заявіла, што ёй не хацелася б бачыць, як адказнасць за злачынствы Уладзіміра Пуціна і Аляксандра Лукашэнкі, звальваюць на невінаватых людзей праз іх нацыянальнасць, паведамляе Delfi.
Палітык адзначыла, што ва ўсіх краінах ёсць людзі, якія сімпатызуюць Пуціну.
— Сярод такіх мы знойдзем людзей розных нацыянальнасцяў, і я не сумняваюся, што рускія і беларусы, якія пражываюць у Літве, сапраўды патрыёты нашай краіны, разам з усімі намі сумесна падтрымліваюць Украіну, удзельнічаюць у грамадзянскіх ініцыятывах, уносяць свой пасільны ўклад, і я вельмі прашу, каб гэтыя тэмы не станавіліся дадатковай ежай для расійскай і беларускай прапаганды, бо гэта было б абсалютнай хлуснёй, — сказала Шымоніце.
З такой жа заявай напярэдадні выступіў і мэр Вільні Рэмігіюс Шымашус.
Каментары