Аляксандр Класкоўскі. Кропкі над «і»77

Ці зладзяць пад Баранавічамі «Цхінвалі-2»?

Расійскі дэсант высадзіцца ў Беларусі ў верасні. Піша ў сваім блогу на НН Аляксандр Класкоўскі.

 Каўказская вайна © Рэйтэр

Начальнік беларускага генштаба генерал Гурулёў 14 жніўня ў Маскве ўдакладніў дэталі вераснёўскіх манеўраў «Захад-2009». Выглядае на тое, што яны пройдуць менавіта па тым сцэнары, які быў зацверджаны яшчэ вясной.

Інфармацыйная бомба пра дзве расійскія арміі, што нібыта ўвойдуць у Беларусь у поўным складзе, аказалася пустой пужалкай. Бомбу, нагадаю, падкінуў у чэрвені маскоўскі калега Гурулёва — генерал Макараў. Сур’ёзныя эксперты адразу назвалі гэта абсурдам.

Цяпер нашы вайскоўцы афіцыйна інфармуюць: у манеўрах будуць удзельнічаць каля 12 з паловай тысяч людзей у пагонах, з іх расійцаў — сама болей шэсць тысяч. Паводле БЕЛТА, «расійскі бок на манеўрах прадставяць органы вайсковага кіравання і шэраг злучэнняў ды вайсковых частак 20-й арміі, аператыўныя групы галоўнага камандавання ВПС, камандаванняў вайскова-транспартнай авіяцыі і паветрана-дэсантных войскаў, падраздзяленні 98-й паветрана-дэсантнай дывізіі».

Як патлумачыў мне мінскі вайсковы аглядальнік Аляксандр Алесін, з суседняй краіны прыедзе багата генералаў ды старэйшых афіцэраў, і гульня на мапах акажацца сапраўды грандыёзнай. Стрэлкі маляваць — справа не надта затратная.

А вось у рэале ўсё будзе нашмат болей сціпла. Напрыклад, высадзяць 600 дэсантнікаў і 9 баявых машын на Абуз-Лясноўскім палігоне пад Баранавічамі, а ўмоўна будуць лічыць, што гэта цэлая дывізія з сотнямі адзінак тэхнікі.

Тым часам маскоўская «Независимая газета» нібыта між іншым падкідае: «У задуме расійска-беларускіх манеўраў адлюстраваны і баявы сцэнар, які меў месца падчас адбіцця Расіяй грузінскай агрэсіі пад Цхінвалі у жніўні 2008 года». Алесін мяркуе, што гэта піяраўскія закідоны.

Насамрэч, кажа эксперт, сцэнар «Захаду-2009» адлюстроўвае гіпатэтычны канфлікт з сіламі НАТО. Не выпадкова ў кантэксце манеўраў расійцы задзейнічаюць і флот.

Зрэшты, наўрад ці натаўцы надта напалохаюцца. На манеўры пэўна ж запросяць замежных назіральнікаў.

Увогуле Захад зараз паблажліва каментуе спробы Масквы дэманстраваць рознымі там далёкімі рэйдамі субмарын, палётамі стратэгічнай авіяцыі ды манеўрамі, што — вось, глядзіце, ёсць яшчэ порах у парахаўніцах!

Заходнікі бачаць, што насамрэч няма таго, што раньш было. Расія ўсё болей адстае ў вайсковым сэнсе ад ЗША, Паўночнаатлантычнага альянсу. І неяк трымае марку толькі за кошт ядзернага патэцыялу, які між тым катастрафічна старэе.

Карацей, вераснёўскія манеўры — не столькі гульня мускуламі перад Захадам, колькі пыл у вочы самім сабе: «Красная армия всех сильней». Магчыма, на «Захад-2009» прыедзе нават расійскі прэзідэнт.

© ІТАР-ТАСС

Нашы эксперты, праўда, не выключаюць, што нейкае чарговае абвастрэнне стасункаў між Мінскам і Масквой можа скамечыць маштаб манеўраў. Але схіляюцца да думкі, што тут

Лукашэнка зацікаўлены не ўдарыць тварам у бруд. Бо фактычна прапануецца фірмавы тавар — гатоўнасць беларусаў легчы пад міфічныя танкі НАТО. Менавіта гэтым аргументам заўжды матывуецца заклік да Крамля: не шкадаваць прэферэнцый для апошняга саюзніка.

Аляксандр Класкоўскі.

Каментары7

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць