Маніторынгавая група «Беларускі Гаюн» сабрала і абагульніла ўсе вядомыя ёй ракетныя запускі з беларускай тэрыторыі на ўкраінскую, якія пачаліся ў 6.20 24 лютага 2022 года.
У складзенай групай візуалізаванай храналогіі добра відаць, што да пачатку сакавіка запускаў адсюль было зусім няшмат, нібыта расіяне «прамацвалі» рэакцыю іншых краін на бамбаванне Украіны з тэрыторыі Беларусі.
Пасля ж запускі рабіліся пераважна з надыходам цемры ці ва ўмовах моцнай воблачнасці, каб па магчымасці схаваць траекторыю палёту і віды ракет, якія запускаюцца.
Першы пік запускаў быў зафіксаваны 9 сакавіка, у той дзень зрабілі мінімум 35 ракетных пускаў. Да пачатку красавіка запускі ішлі па нарастаючай дзень за днём, а найбольшай бамбардзіроўцы з Беларусі Украіна падвергнулася 1 красавіка. У той дзень ракеты запускалі ў прамым сэнсе кожныя 10 хвілін, прыкрываючы адступленне расійскага войска з поўначы Украіны.
Пры гэтым запускі ракет з тэрыторыі Беларусі, хай і не ў такіх маштабах, працягваюцца да сёння. Апошні пуск быў учора, 3 мая ў 11:35.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу5
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4949
Каментары