Былы прэзідэнт Украіны Пятро Парашэнка позна ўвечары 27 мая знаходзіўся на пункце перасячэння дзяржаўнай граніцы ў Львоўскай вобласці. Аднак выехаць з Украіны яму не далі.
У яго камандзе заяўляюць, што палітык ехаў у Вільню для ўдзелу ў штогадовым пасяджэнні Парламенцкай асамблеі НАТА. Партыя «Еўрапейская салідарнасць» сцвярджае, што распараджэнне аб камандзіроўцы Парашэнкі падпісаў старшыня Вярхоўнай рады Руслан Стэфанчук.
Паплечніца Парашэнкі Ірына Герашчанка заявіла, што адмова выезду з Украіны сведчыць аб наяўнасці ва ўладзе «чорных спісаў», таму што склад дэлегацыі для ўдзелу ў парламенцкай асамблеі НАТА быў зацверджаны загадзя, і астатнім дэлегатам памежнікі дазволілі выехаць.
23 мая Служба бяспекі Украіны апублікавала допыт Віктара Медзведчука, які падазраецца ў дзяржаўнай здрадзе за незаконную кантрабанду вугалю і супрацоўніцтва з прарасійскімі баевікамі ў Данбасе. Медзвядчук заявіў, што ўсе схемы і працэсы ўзгаднення незаконнага супрацоўніцтва асабіста Парашэнка праз людзей са свайго атачэння.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы4
Каментары