Калі вы цікавіцеся здаровым ладам жыцця, вы, напэўна, чулі пра неабходнасць піць шмат вады (да 2 літраў штодзень!). Кажуць, што гэта зробіць вас больш энергічным, палепшыць памяць, фізічнае і ментальнае здароўе. Ці варта гэтаму верыць?
Перш за ўсё, навукоўцы падкрэсліваюць: сама ідэя пра тое, што піццё вялікай колькасці вады зробіць вас здаравейшым, няправільная. Не варта верыць і таму, што большасць людзей цяпер пастаянна абязводжаныя, піша The New York Times.
З пункту гледжання медыцыны, найбольш важны паказчык увільгатнення арганізма — баланс у ім паміж колькасцю вады і колькасцю электралітаў накшталт натрыю. Каб падтрымліваць гэты баланс на належным узроўні, вам зусім не трэба выпіваць ваду шклянкамі.
Вядомая тэорыя пра абавязковыя восем шклянак вады штодзень — гэта таксама міф. На тое, колькі вадкасці нам трэба, уплывае шмат фактараў: памер цела, тэмпература навакольнага паветра, тое, ці пацееце вы і наколькі вам цяжка дыхаць.
Патрэба ў вадзе таксама залежыць ад стану вашага здароўя. Напрыклад, пры камянях у нырках не рэкамендуюць піць ваду бескантрольна. Але добрым рашэннем піць больш можа быць, калі ў вас тэмпература, рвота ці дыярэя.
Для маладых і здаровых людзей лепш за ўсё будзе проста піць ваду, калі яны адчуваюць смагу. У тых, хто старэйшы за 70-80 гадоў, пачуццё смагі можа пагаршацца, таму ім можа быць карысным піць ваду дадаткова.
Каб у арганізме было дастаткова вады, зусім не абавязкова піць менавіта яе. Чыстая вада — больш карысны выбар для здароўя, чым салодкія газаваныя напоі ці сокі з садавіны, але і яны могуць выратаваць ад абязводжвання. Шмат хто лічыць, што напоі з кавай і алкаголем выводзяць вадкасць з арганізма, але калі гэта і так, то эфект нязначны.
Нарэшце, ваду можна атрымаць і з ежы. Садавіна, гародніна, супы і соусы — усё гэта спрыяе таму, каб у арганізм трапляла больш вадкасці.
Чым найлепш запіваць пончыкі, каб не набраць вагу? Толькі не кавай
Памятаеце дзіўны чайны грыб з 90-х? Цяпер ён у трэндзе ва ўсім свеце
Цяпер чытаюць
Літва зноў зачыніла мяжу з Беларуссю — ізноў шары з кантрабандай9
Каментары