СК пачаў спецвытворчаць супраць былога дырэктара алімпійскага цэнтра па фрыстайле
Вадзіма Крывашэева, які да 2020 года быў дырэктарам Рэспубліканскага цэнтра алімпійскай падрыхтоўкі па фрыстайле, абвінавачваюць па некалькіх артыкулах КК. Судзіць яго будуць завочна.
Вадзім Крывашэеў. Фота: tribuna
Паведамленне пра спецыяльную вытворчаць супраць Вадзіма Крывашэева з'явілася ў тэлеграм-канале СК.
Яго абвінавачваюць у:
- Перавышэнні ўлады або службовых паўнамоцтваў (частка 3 арт. 426 КК);
- Змове ці іншых дзеяннях, учыненых з мэтай захопу ўлады (частка 1 арт. 357 КК);
- Дзеяннях супраць нацбяспекі (частка 3 арт. 361 КК);
- Стварэнні ці ўдзеле ў «экстрэмісцкім фарміраванні» (частка 3 арт. 361-1).
Да верасня 2020‑га Вадзім Крывашэеў некалькі гадоў займаў пасаду дырэктара РЦАП па фрыстайле. З установы яго звольнілі за «праваленую ідэалагічную працу» — вядомыя фрыстайлісты Аляксандра Раманоўская і Дзмітрый Дашчынскі, а таксама трэнер зборнай Мікалай Казека выказалі незадаволенасць гвалтам з боку сілавікоў пасля падзей 9‑-11 жніўня таго года.
З 2021 года Крывашэеў жыве ў ЗША.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м18
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары