«Дзе дактары ў Беларусі?» Жанчына вярнулася з Курска ў Полацк і ў шоку ад медыцыны
Вольга здзіўлена, наколькі моцна адчуваецца недахоп дактароў у Беларусі.
Вольга распавядае ў тыктоку, што нарадзілася і вырасла ў Беларусі, потым працяглы час жыла ў расійскім Курску, бо выйшла замуж за расіяніна. Але ў выніку сям’я пераехала ў Полацк.
— У мяне дзіця захварэла. Мы здавалі аналіз на гармоны, і выявілася, што ў яе высокі пралакцін. Без сумневу, патрэбна тэрміновае абследаванне. Наша педыятарка дала накіраванне да эндакрынолага ў Віцебск.
Вольга абурана тым, што звычайны эндакрынолаг стаў настолькі рэдкім спецыялістам, што такога няма ў Полацку. Але, канечне, вырашыла везці дачку на кансультацыю ў Віцебск.
Атрымалася так, што ў той дзень, на які быў запланаваны прыём эндакрынолага, дзяўчынка захварэла на бранхіт — яе паклалі ў бальніцу. І тут без прыгод не абышлося.
— І вось у адзін дзень мне тэлефануе педыятр, які лечыць дачку ў бальніцы, і кажа: «Прывязіце, калі ласка, дачцэ куртку, бо мне трэба адвезці яе да лора — у нас няма лора ў бальніцы». Я крыху не зразумела: гэта не доктар едзе да хворага дзіцяці, якое знаходзіцца ў стацыянары, а хворае дзіця едзе да лора? Мне здаецца, гэта ўжо перабор, людзі, прачніцеся!
Дзяўчынку звазілі да оталарынголага, той прызначыў лячэнне. Усё скончылася добра — яе ўжо выпісалі з бальніцы. Але зноў спатрэбілася кансультацыя эндакрынолага. Маці звярнулася да ўчастковага педыятра па новае накіраванне.
— Яна мне адказваеце: «Вы ведаеце, нельга да снежня, бо ў Віцебску толькі два эндакрынолагі, і іх адправілі на навучанне». Сказаць, што я ў а*е — нічога не сказаць.
Вольга папрасіла доктарку параіць ёй, куды можна звярнуцца па кансультацыю платна, каб хутчэй вырашыць праблему. Тая распавяла, што можна патэлефанаваць у прыватны цэнтр у Мінску ці звярнуцца ў дзіцячую паліклініку ў Наваполацку, дзе ёсць платныя паслугі.
— Тэлефаную ў Мінск. Мне кажуць: «Пакуль нельга запісацца да эндакрынолага, можна будзе 10 лістапада запісацца на снежань». Няма слоў! Думаю, ну ладна, патэлефаную ў Наваполацк. А там мне кажуць: «Так, канечне, прыходзьце ў панядзелак, кошт паслугі 23 рублі». Людзі, скажыце, чаму нельга было мне распавесці пра гэта адразу?!
У каментарыях шмат хто абураецца нізкім узроўнем беларускіх медыкаў. Вольга ж з імі катэгарычна нязгодная. Яна задаволена кваліфікацыяй спецыялістаў, але ў шоку ад таго, што дактароў катастрафічна не хапае.
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма
Маладая доктарка з Мінска расказала пра боль усіх участковых тэрапеўтаў
«Набяруць больш студэнтаў, але што рабіць 6‑7 гадоў?» Медык пра тое, як улады змагаюцца з недахопам дактароў і што трэба рабіць
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары