Кітайскія нафтавыя кампаніі прыпыняюць закупкі расійскай нафты праз санкцыі супраць «Раснафты» і «Лукойла»
Гэта прывядзе да росту сусветных коштаў на нафту.
Найбуйнейшыя кітайскія нацыянальныя нафтавыя кампаніі не будуць закупляць расійскую нафту марскога базавання праз нядаўна ўведзеныя Трампам санкцыі супраць Расіі. Пра гэта паведамляе Reuters са спасылкай на свае крыніцы.
Кітайскія нафтавыя кампаніі PetroChina, Sinopec, CNOOC і Zhenhua Oil прыпыняюць закупку расійскай сыравіны праз перасцярогі наконт санкцый ЗША супраць Расіі.
Гэта адбылося ўслед за паведамленнямі аб тым, што індыйскія НПЗ плануюць рэзка скараціць імпарт нафты з Расіі, каб выканаць санкцыі ЗША.
Рэзкае падзенне попыту на нафту з боку двух найбуйнейшых спажыўцоў негатыўна адаб'ецца на нафтавых даходах Расіі і вымусіць найбуйнейшых сусветных імпарцёраў шукаць альтэрнатыўныя крыніцы паставак, што прывядзе да росту сусветных коштаў, піша Reuters.
ЗША ўвялі санцыі супраць «Раснафты» і «Лукойла» 22 кастрычніка.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары