Kali vy cikaviciesia zdarovym ładam žyćcia, vy, napeŭna, čuli pra nieabchodnaść pić šmat vady (da 2 litraŭ štodzień!). Kažuć, što heta zrobić vas bolš enierhičnym, palepšyć pamiać, fizičnaje i mientalnaje zdaroŭje. Ci varta hetamu vieryć?
Pierš za ŭsio, navukoŭcy padkreślivajuć: sama ideja pra toje, što pićcio vialikaj kolkaści vady zrobić vas zdaraviejšym, niapravilnaja. Nie varta vieryć i tamu, što bolšaść ludziej ciapier pastajanna abiazvodžanyja, piša The New York Times.
Z punktu hledžańnia miedycyny, najbolš važny pakazčyk uvilhatnieńnia arhanizma — bałans u im pamiž kolkaściu vady i kolkaściu elektralitaŭ nakštałt natryju. Kab padtrymlivać hety bałans na naležnym uzroŭni, vam zusim nie treba vypivać vadu šklankami.
Viadomaja teoryja pra abaviazkovyja vosiem šklanak vady štodzień — heta taksama mif. Na toje, kolki vadkaści nam treba, upłyvaje šmat faktaraŭ: pamier cieła, tempieratura navakolnaha pavietra, toje, ci paciejecie vy i nakolki vam ciažka dychać.
Patreba ŭ vadzie taksama zaležyć ad stanu vašaha zdaroŭja. Naprykład, pry kamianiach u nyrkach nie rekamiendujuć pić vadu bieskantrolna. Ale dobrym rašeńniem pić bolš moža być, kali ŭ vas tempieratura, rvota ci dyjareja.
Dla maładych i zdarovych ludziej lepš za ŭsio budzie prosta pić vadu, kali jany adčuvajuć smahu. U tych, chto starejšy za 70-80 hadoŭ, pačućcio smahi moža paharšacca, tamu im moža być karysnym pić vadu dadatkova.
Kab u arhaniźmie było dastatkova vady, zusim nie abaviazkova pić mienavita jaje. Čystaja vada — bolš karysny vybar dla zdaroŭja, čym sałodkija hazavanyja napoi ci soki z sadaviny, ale i jany mohuć vyratavać ad abiazvodžvańnia. Šmat chto ličyć, što napoi z kavaj i ałkaholem vyvodziać vadkaść z arhanizma, ale kali heta i tak, to efiekt niaznačny.
Narešcie, vadu možna atrymać i ź ježy. Sadavina, harodnina, supy i sousy — usio heta spryjaje tamu, kab u arhanizm traplała bolš vadkaści.
Čym najlepš zapivać pončyki, kab nie nabrać vahu? Tolki nie kavaj
Pamiatajecie dziŭny čajny hryb z 90-ch? Ciapier jon u trendzie va ŭsim śviecie
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary