Галоўны доктар Ельскай бальніцы, дзе ў маі памерла 14‑гадовая школьніца, узначаліў санаторый
Пасля сямі гадоў працы у Ельскай раённай бальніцы быў звольнены галоўны доктар установы Канстанцін Клімянок. Яго месца пакуль вакантнае, прызначаны в.а. галоўнага доктара.
8 кастрычніка Канстанцін Клімянок быў прызначаны на пасаду начальніка санаторыя «Сосны» Мазырскага нафтаперапрацоўчага завода, піша «Флагшток».
Новае месца працы Клімянка не выглядае як пакаранне за смерць дзіцяці — наадварот, кіраўнічая пасада ў ведамасным санаторыі аднаго з вядучых прадпрыемстваў рэгіёна можа здацца больш прывабнай, чым месца галоўнага доктара бальніцы ў дэпрэсіўным раёне.
Незадоўга да трагедыі ў Ельску Клімянок быў узнагароджаны граматай Беларускага прафсаюза работнікаў аховы здароўя «за шматгадовую, добрасумленную працу ў сістэме аховы здароўя, працу па развіцці і ўмацаванні сацыяльнага партнёрства, арганізацыйнае забеспячэнне эфектыўнай працы па аказанні медыцынскай дапамогі насельніцтву».
У маі 2025 года ў Ельскай раённай бальніцы памерла 14‑гадовая школьніца. У дзяўчынкі былі кашаль і хрыпы, калі бацька прывёз яе ў бальніцу. Праз некалькі гадзін пасля шпіталізацыі доктарка паведаміла сям’і, што дзяўчынка ўпала ў кому і была пераведзена ў рэанімацыю.
Бацькі прыехалі ў бальніцу і 4 гадзіны чакалі прыезду рэанімацыйнай брыгады з Мазыра, але яны адмовіліся ад транспарціроўкі з-за цяжкага стану дзіцяці. Пасля гэтага была выклікана брыгада з Гомеля, якая прыбыла каля апоўначы. Неўзабаве бацьку паведамілі пра смерць дачкі.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары
Это модно среди главврачей ЦРБ после снятия за просчёты возглавлять санатории.