Палітвязня Мікіту Емяльянава па прыбыцці ў калонію змясцілі ў ШІЗА і пазбавілі спаткання
Актывіста анархічнага руху Мікіту Емяльянава адразу пасля этапу ў папраўчую калонію №11 адміністрацыя змясціла ў штрафны ізалятар агулам на 18 сутак, паведамляе «Медиазона». Акрамя гэтага, яго пазбавілі кароткатэрміновага спаткання, канфіскавалі 22 кнігі, машынку для стрыжкі і згушчонку. Фармальныя прычыны спагнанняў невядомыя.
У ваўкавыскай калоніі Мікіта знаходзіцца з 13 чэрвеня.
11 сакавіка Емяльянава асудзілі на два гады калоніі па ч. 2 арт. 411 КК (злоснае непадпарадкаванне патрабаванням адміністрацыі папраўчай установы за парушэнне правілаў унутранага распарадку), а канчаткова прызначылі па сукупнасці прысудаў з улікам раней неадбытага пакарання 3,5 года калоніі ўзмоцненага рэжыму. Са жніўня 2021 года Мікіту змяшчалі ў карцар або ШІЗА агулам больш чым на сем месяцаў.
Падтрымайце палітвязня: ПК №11, 231900, г. Ваўкавыск, вул. Ракасоўскага, 118, Емяльянаву Мікіту Уладзіміравічу.
Каментары