Грамадства

Дракахруст: Ранейшыя амністыі былі на пару тыдняў пасля дат. Магчыма, і цяпер так будзе

6 верасьня Аляксандар Лукашэнка правёў нараду, на якой абвясьціў пра амністыю да новага сьвята — Дня народнага адзінства. Ён заявіў, што пад амністыю могуць патрапіць і асобы, якія ўчынілі злачынствы «пратэснай накіраванасці».

«Летась ад пакарання вызвалілі 13 палітвязняў і зроблена гэта было 15 верасня — напярэдадні афіцыйнага свята. Чаму сёлета вызваленне не адбылося напярэдадні?

Летась 13 палітвязняў былі памілаваныя, а сёлета ідзецца пра амністыю. Гэта розныя праўныя працэдуры. Па сутнасці гэта адно і тое ж — рашэнне дзяржавы аб скасаванні ці змякчэнні крымінальнага пакарання.

Аднак памілаванне — гэта рашэнне адносна канкрэтных асобаў, памілаванне можа быць толькі персанальным. І паводле Канстытуцыі — і ранейшай рэдакцыі, і новай — гэта прэрагатыва кіраўніка дзяржавы, памілаванне афармляецца прэзідэнцкім указам.

І менавіта такім указам былі памілаваныя летась 15 верасня 13 палітвязняў.

Амністыя ж тычыцца цэлых катэгорый асуджаных, скажам, асуджаных на тэрміны да 3 гадоў, асуджаных паводле пэўных артыкулаў, асуджаных жанчын і г. д. І паводле Канстытуцыі, адпаведнае рашэнне ў выглядзе закона прымае парламент. Яго потым падпісвае прэзідэнт.

Апошняя менавіта амністыя ў Беларусі была ў траўні 2020 года. Яна была прымеркаваная да «75-годзьдзя Перамогі ў Вялікай Айчыннай вайне». Аднак прыняты адпаведны закон Лукашэнка падпісаў 18 траўня — праз 9 дзён пасля ўласна гадавіны 9 траўня.

Папярэдняя амністыя была ў 2019 годзе. Яна была абвешчаная «у сувязі з 75-годзьдзем вызвалення Беларусі ад нямецка-фашысцкіх захопнікаў». У сучасным дзяржаўным дыскурсе датай вызвалення Беларусі ад нацысцкай акупацыі лічыцца дата вызвалення ад яе Мінска, што адбылося 3 ліпеня 1944 года. А закон аб амністыі ў 2019 годзе быў прыняты пазней за гадавіну на 16 дзён — 19 ліпеня.

Іншымі словамі, законы аб амністыі 2019 і 2020 гадоў былі абвешчаныя значна пазней за гадавіны, да якіх былі прымеркаваныя.

Напэўна, і сёлета будзе гэтак жа. Партал «Зеркало» напярэдадні 17 верасня высвятляў у Палаце прадстаўнікоў, якая сітуацыя з законам аб амністыі. Паводле інфармацыі з Палаты, праект закона туды яшчэ нават не трапіў.

Напэўна, паводле досведу 2019-2020 гадоў закон, прымеркаваны да гадавіны 17 верасня, будзе прыняты пры канцы верасня ці ў кастрычніку».

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць