У лагеры «Зубраня» адкрылі куток памяці расіяніна, які загінуў на імперыялістычнай вайне ва Украіне
У дзіцячым адукацыйна-аздараўленчым лагеры «Зубраня» на Нарачы адкрылі мемарыяльны куток у памяць пра Героя Беларусі Мікіту Куканенку і Героя Расійскай Федэрацыі Аляксандра Крыніна, піша «Мінская праўда».
Акцыя прайшла ў рамках Дня «Саюзнай дзяржавы». У свой час абодва вайскоўцы адпачывалі ў гэтым лагеры: Куканенка — у 2012 годзе, а Крынін — у 2010-і.
Мікіта Куканенка — адзін з пілотаў самалета, які 19 мая 2021 года разбіўся каля Баранавічаў. Разам з Андрэем Нічыпорчыкам яны адвялі самалёт ад жылых будынкаў, за што абодвум пілотам пасмяротна надалі званні Герояў Беларусі.
Аляксандр Крынін атрымаў сваё званне за ўдзел у агрэсіі супраць Украіны. Паведамляецца, што ён ваяваў на тэрыторыі Харкаўскай вобласці каля населенага пункту Малая Рогань. «28 сакавіка пры выхадзе з акружэння ў складзе групы вайскоўцаў старшы лейтэнант Крынін атрымаў несумяшчальнае з жыццём аскепкавае раненне», — піша «Мінская праўда».
Такім чынам, у беларускім дзіцячым летніку не толькі ўшанавалі памяць расійскага вайскоўца, які загінуў у захопніцкай вайне супраць Украіны, падчас якой творыцца шмат ваенных злачынстваў, але і ўраўнавалі яго з беларускім лётчыкам, які выратаваў шмат людзей цаной свайго жыцця.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары