U łahiery «Zubrania» adkryli kutok pamiaci rasijanina, jaki zahinuŭ na impieryjalistyčnaj vajnie va Ukrainie
U dziciačym adukacyjna-azdaraŭlenčym łahiery «Zubrania» na Naračy adkryli miemaryjalny kutok u pamiać pra Hieroja Biełarusi Mikitu Kukanienku i Hieroja Rasijskaj Fiederacyi Alaksandra Krynina, piša «Minskaja praŭda».
Akcyja prajšła ŭ ramkach Dnia «Sajuznaj dziaržavy». U svoj čas abodva vajskoŭcy adpačyvali ŭ hetym łahiery: Kukanienka — u 2012 hodzie, a Krynin — u 2010-i.
Mikita Kukanienka — adzin ź piłotaŭ samaleta, jaki 19 maja 2021 hoda raźbiŭsia kala Baranavičaŭ. Razam z Andrejem Ničyporčykam jany adviali samalot ad žyłych budynkaŭ, za što abodvum piłotam paśmiarotna nadali zvańni Hierojaŭ Biełarusi.
Alaksandr Krynin atrymaŭ svajo zvańnie za ŭdzieł u ahresii suprać Ukrainy. Paviedamlajecca, što jon vajavaŭ na terytoryi Charkaŭskaj vobłaści kala nasielenaha punktu Małaja Rohań. «28 sakavika pry vychadzie z akružeńnia ŭ składzie hrupy vajskoŭcaŭ staršy lejtenant Krynin atrymaŭ niesumiaščalnaje z žyćciom askiepkavaje ranieńnie», — piša «Minskaja praŭda».
Takim čynam, u biełaruskim dziciačym letniku nie tolki ŭšanavali pamiać rasijskaha vajskoŭca, jaki zahinuŭ u zachopnickaj vajnie suprać Ukrainy, padčas jakoj tvorycca šmat vajennych złačynstvaŭ, ale i ŭraŭnavali jaho ź biełaruskim lotčykam, jaki vyratavaŭ šmat ludziej canoj svajho žyćcia.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary