Прадстаўнік Аб’яднанага пераходнага кабінета па пытаннях абароны і бяспекі заявіў, што нельга дапусціць, каб Беларусь ваявала з Украінай.
«Кіраўніцтва Расіі спрабуе ўцягнуць ў сваю вайну Беларусь, — сказаў Сахашчык. — Што чакае нас, калі ім гэта ўдасца? У гэтым пытанні я магу выступаць у ролі эксперта, бо правёў ва Украіне нямала часу з канца лютага.
Украінцы вельмі добра падрыхтаваныя да нападу з боку РБ. Жыхары Беларусі гатовыя прымаць сваіх сыноў у чорных поліэтыленавых пакетах?
Для УСУ ўжо не будзе ніякіх стрымліваючых фактараў, якія замінаюць прымяніць усю моц самых сучасных сродкаў паражэння па любых аб'ектах, што выкарыстоўваюцца агрэсарамі на тэрыторыі РБ.
На працягу першых некалькіх сутак будуць знішчаныя Мазырскі НПЗ, уся крытычная інфраструктура памежнай паласы. Можа загінуць і пацярпець вялікая колькасць людзей.
Колькасць нашых добраахвотнікаў ва Украіне істотна вырасце. Вайскоўцаў УС РБ будуць сустракаць свае ж беларусы, толькі значна лепш падрыхтаваныя, абсталяваныя і матываваныя.
Беларусь стане краінай-ізгоем у свеце і падзеліць з Расіяй ганьбу паражэння і абавязак выплаты рэпарацый.
Усе войны заканчваюцца. Хлусня прапаганды, маніпуляванне фактамі перастануць працаваць. Кім вы будзеце ў гэтай будучыні? Паважанымі членамі грамадства або фігурантамі міжнароднага трыбунала?
Людзі ў ваенна-палітычным кіраўніцтве Беларусі, ад вас залежыць будучыня нашай краіны як ніколі. Украіна ні разу не адказала на ракеты і беспілотнікі, якія ляцяць з тэрыторыі РБ, хоць даўно мае баявы патэнцыял для такога адказу. Першыя забітыя і параненыя беларусы пасвараць нашы народы на дзесяцігоддзі.
Заклікаю вас усвядоміць усю сур'ёзнасць таго, што адбываецца і жудасныя магчымыя наступствы. Кожны з нас — хай у рознай ступені — але можа паўплываць на будучыню Беларусі», — кажа Сахашчык.
-
Вызвалены эстонец: У турме ў Беларусі да мяне ставіліся вельмі дрэнна. У XXI стагоддзі ніхто не павінен жыць у такіх умовах
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
Цяпер чытаюць
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары