Здароўе11

Ураганы і глабальнае пацяпленне ўсё часцей прыводзяць да распаўсюджвання смяротных бактэрый. Што з гэтым рабіць?

Ураган Іэн акрамя разбурэнняў выклікаў распаўсюджанне смяротнай бактэрыі.

Фота: Getty Images

У верасні ўраган Іэн абрынуўся на паўднёва-заходняе ўзбярэжжа Фларыды. Цёплая вада затапіла дамы, прадпрыемствы і каналізацыю. Праліўны вецер і дождж стварылі спрыяльныя ўмовы для бактэрыі Vibrio vulnificus.

Wired паведамляе пра 28 чалавек, заражаных гэтай бактэрыяй, якая можа хутка разбураць клеткі скуры, вымываць жалеза з крыві і прыводзіць да праблем з унутранымі органамі. Сямёра заражаных памерлі. Трапічнае асяроддзе са стаячай вадой, моцна забруджанай смеццем — ідэальны кактэйль для развіцця гэтых арганізмаў.

Колькасць выпадкаў паменшыліся, калі паводка адступіла, і пасля 13 кастрычніка не было зарэгістравана новых хворых. Але многія даследчыкі лічаць, што бліжэйшыя дзесяцігоддзі можна чакаць павелічэння колькасці такой бактэрыі. Ураганы ўзмацняюцца, паводкі б'юць рэкорды, а больш цёплыя воды акіяна трапляюць далей на поўнач. Бактэрыі размнажаюцца ў цёплым асяроддзі і саланаватай вадзе.

Цяпер вядома больш за 100 відаў вібрыёнаў. Частка з іх выклікае захворванні ў людзей, напрыклад, V. cholerae — узбуджальнік халеры. Нядаўні аналіз, праведзены амерыканскім Агенцтвам па ахове навакольнага асяроддзя, паказаў, што да 2090 года ў ЗША ўзровень заражэння вібрыёнам можа вырасці на 50-100%, павялічыўшы штогадовыя выдаткі на лячэнне гэтых хвароб з 2 да 7 мільярдаў даляраў.

Бактэрыі могуць змешвацца і абменьвацца генамі з іншымі, у тым ліку генамі, якія забяспечваюць устойлівасць да антыбіётыкаў.

Любыя пацёртасці або парэзы з’яўляюцца ідэальным месцам пранікнення для V. vulnificus. Трапіўшы ў арганізм, бактэрыя хутка размнажаецца, завяршаючы поўны рэпрадуктыўны цыкл прыкладна за 20 хвілін.

V. vulnificus умее абыходзіць наш імунітэт. Яна часта ўтварае плёнку з цукроў, бялкоў, тлушчаў і мікраарганізмаў. Унутры плёнкі можа жыць бактэрыя, але імунным клеткам трапіць туды вельмі цяжка. Калі бактэрыя пранікае праз скуру, можа пачацца дэградацыя мяккіх тканак: клеткі скуры хутка мяняюцца і гінуць. У той жа час бактэрыя здольная задзейнічаць запасы жалеза ў нашых эрытрацытах, у выніку выклікаючы сэпсіс. Агульны ўзровень смяротнасці ад інфекцый складае 35%, але ў людзей з захворваннямі або парушанай імуннай сістэмай ён набліжаецца да 50 адсоткаў.

V. cholerae, якая выклікае халеру, забівае дзясяткі тысяч людзей у год ва ўсім свеце, хоць яе амаль не існуе ў краінах з высокім узроўнем даходу з перадавой ачысткай вады і вакцынамі. Але нехалерныя вібрыёны, такія як V. vulnificus, працягваюць уздзейнічаць на людзей па ўсім свеце.

Акрамя пранікнення ў адкрытыя раны, яны ў асноўным перадаюцца людзям пры ўжыванні сырых або недастаткова апрацаваных морапрадуктаў. І ў адрозненне ад халеры, не існуе вакцын для абароны ад V. vulnificus і іншых відаў вібрыёнаў. Яны паддаюцца лячэнню толькі антыбіётыкамі, пры ўмове, што бактэрыі не набылі ўстойлівасці. Адно даследаванне V. vulnificus, выдзеленай з заражаных вустрыц, выявіла, што каля 50% бактэрый былі ўстойлівыя да двух і больш антыбіётыкаў.

Каб пазбегнуць кантакту з вібрыёнамі, апранайце ў вадзе спецыяльныя чаравікі, калі вы ідзяце на пляж, — гэта дапаможа пазбегнуць драпін. І калі вы патэнцыйна падвяргаліся ўздзеянню бактэрый, адчуваеце сябе дрэнна ці маеце такія сімптомы, як ліхаманка, пачырваненне ці напухласць скуры — звярніцеся да лекара.

Каментары1

  • Сирожа
    08.11.2022
    А што з гэтым зробіш? Калі захварэеш дык памрэш.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць