Свет

У Атлантычным акіяне імкліва разрастаецца гіганцкі пояс водарасцяў

У Атлантычным акіяне імкліва павялічваецца гіганцкі пояс саргасавых водарасцяў, які цягнецца ад заходняга ўзбярэжжа Афрыкі да Мексіканскага заліва. У маі 2026 года спадарожнікі зафіксавалі ў ім каля 37,5 мільёна тон гэтых бурых водарасцяў. Яшчэ 15 гадоў таму такога ўтварэння не існавала, паведамляе выданне Futura sciences.

Фота: vecteezy.com

Саргасы раней былі вядомыя пераважна як насельнікі Саргасавага мора, аднак з 2011 года іх масавае размнажэнне ў Атлантыцы амаль штогод узмацняецца. У 2025 годзе пояс дасягнуў рэкорднай працягласці — 8850 кіламетраў, што больш чым удвая перавышае шырыню кантынентальнай часткі ЗША.

Паводле даследавання навукоўцаў з Акіянаграфічнага інстытута Harbor Branch пры Атлантычным універсітэце Фларыды, адна з галоўных прычын такога росту — павелічэнне колькасці пажыўных рэчываў у вадзе, асабліва азоту і фосфару. Эксперыменты паказваюць, што ў багатай на іх вадзе маса саргасаў можа падвоіцца ўсяго за 11 дзён. У перыяд з 1980 да 2020 года ўтрыманне азоту ў тканках водарасцяў павялічылася на 55%, а суадносіны азоту і фосфару — на 50%.

Пажыўныя рэчывы трапляюць у акіян як з глыбінных вод, так і з сушы — разам з сельскагаспадарчымі сцёкамі, каналізацыйнымі водамі і атмасфернымі ападкамі. Значную ролю адыгрывае Амазонка: падчас паводак яна прыносіць у Атлантыку вялікую колькасць рэчываў, якія спрыяюць размнажэнню водарасцяў, а ў перыяды засухі гэты працэс запавольваецца. Далей цячэнні, у тым ліку Гальфстрым, пераносяць саргасы, фармуючы вялізныя скапленні ў Мексіканскім заліве.

Самі па сабе саргасавыя водарасці маюць важнае значэнне для марской экасістэмы: яны служаць асяроддзем для жыцця больш як сотні відаў рыб, бесхрыбетных і марскіх чарапах. Аднак празмернае іх размнажэнне стварае сур'ёзныя экалагічныя праблемы. Калі водарасці выкідвае на бераг, яны раскладаюцца і вылучаюць таксічны серавадарод, забруджваюць пляжы, пашкоджваюць каралавыя рыфы і спрыяюць утварэнню мёртвых зон у вадзе. Гэта таксама наносіць значную шкоду турызму і мясцовай эканоміцы.

Падчас раскладання саргасы вылучаюць метан і іншыя парніковыя газы, што выклікае пытанні наконт іх уплыву на клімат і вугляродны цыкл. Навукоўцы заклікаюць наладзіць міжнародны маніторынг гэтага з'явішча, удасканаліць прагназаванне яго распаўсюджвання і скарачаць паступленне пажыўных рэчываў у акіян.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва59

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць