У Мінскім заапарку правялі эксперымент, у выніку якога адна малпа навучыла іншую маляваць. Шымпанзэ па мянушцы Нюра ўжо ўмела гэта рабіць, паколькі раней жыла ў сям'і. А падсадзілі да яе малпу Дашу, якая вырасла з бацькамі ў заапарку.
Спачатку Дашы і Нюры далі алоўкі і паперу. Даша раскідала лісты па клетцы, а з падораных алоўкаў паспрабавала дастаць грыфель, каб з'есці яго. Нюра ж стала хаваць свае алоўкі і паперу ад суседкі, каб памаляваць.
Спачатку Даша ўважліва назірала за мастацкімі практыкаваннямі Нюры, а праз чатыры дні ўзялася за аловак і сама. Праўда, спачатку, калі спроба не ўдалася, Даша з'ела грыфель і разарвала лісткі. Але праз два тыдні яна засвоіла навык і стала маляваць не толькі на паперы, але і на сценах вальера.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары