Якасць мужчынскай спермы катастрафічна падае ва ўсім свеце — новае даследаванне
За паўстагоддзя колькасць сперматазоідаў у мужчынскім семені паменшала ў сярэднім на 62%. Такі вынік атрымаў міжнародны калектыў навукоўцаў з Ізраіля, ЗША, Даніі, Іспаніі і Бразіліі. Прычым упершыню даследаванне ахоплівала Афрыку, Азію і Паўднёвую Амерыку: там тыя самыя тэндэнцыі.
Вялікая каманда вучоных на чале з прафесарам Хагаі Левіным з Яўрэйскага ўніверсітэта Іерусаліма зафіксавала, што за апошнія гады падзенне якасці мужчынскага семені толькі паскорылася. Прычым гэта характэрна і для насельніцтва Афрыкі, Азіі і Паўднёвай Амерыкі, якія ўпершыню былі ахопленыя такім даследаваннем.
Вынікі сямігадовай працы былі апублікаваныя ў часопісе Human Reproduction Update.
З 1973 года колькасць сперматазоідаў у сперме паменшала ў сярэднім на 62%. Гэта адбылося як за кошт змяншэння аб'ёму эякуляту, так і канцэнтрацыі сперматазоідаў, якая зменшылася на 52%.
Тэмп падзення паскорыўся і дасягае цяпер 2,5% за год.
Даследчыкі грунтаваліся на аналізе рэцэнзаваных навуковых публікацый са статыстыкай на гэтую тэму.
Тым не менш, сярэдняя канцэнтрацыя спермы ў мужчын — яна ўпала са 101 мільёна на мілілітр да 49 мільёнаў на мілілітр — усё яшчэ нашмат вышэйшая за мінімальную норму, якой лічыцца 15 мільёнаў на мілілітр, пры якой апладненне яйцаклеткі ўскладненае.
Дакладная прычына зніжэння пладавітасці мужчынскай папуляцыі не вызначаная. Некаторыя даследчыкі звязваюць яе з тым, што дзякуючы развіццю медыцыны і ўзроўню жыцця цяпер выжываюць фізіялагічна больш слабыя індывіды, якія ў мінулыя стагоддзі паміралі ў дзяцінстве. Многія звязваюць падзенне фертыльнасці мужчын з забруджваннем атмасферы, вады і прадуктаў некаторымі хімікатамі, сярод якіх фталаты, якія выдзяляе пры распадзе пластык, і пестыцыды. Лічыцца, што негатыўны ўплыў аказвае таксама распаўсюджванне сядзячага ладу жыцця, атлусцення і курэння.
Цяпер чытаюць
Муж галоўнай гераіні прапагандысцкага фільма БТ скончыў жыццё самагубствам21
Каментары
А природа, она гибкая, ко всему приспосабливается.