Адміністрацыя прэзідэнта ЗША Джо Байдэна разглядае магчымасць абвяшчэння прыватнай ваеннай кампаніі «Вагнер» замежнай тэрарыстычнай арганізацыяй, паведамілі агенцтву Bloomberg дзве інфармаваныя крыніцы ў Белым доме.
Канчатковае рашэнне яшчэ не прынята, падкрэсліваюць крыніцы, аднак гэта дазволіла б Злучаным Штатам пачаць крымінальны пераслед ПВК і асобных яе членаў і накласці арышт на іх актывы па ўсім свеце, паведамляе «Украінская праўда».
ПВК «Вагнер», звязаная з набліжаным да расійскага прэзідэнта Уладзіміра Пуціна бізнэсоўцам і прыхільнікам вайны з Украінай Яўгенам Прыгожыным, была заснаваная ў 2014 годзе і актыўна дзейнічала там, дзе ў Расіі маюцца важныя інтарэсы, у прыватнасці, у Сірыі, Лівіі і Цэнтральнаафрыканскай Рэспубліцы.
Ва Украіне байцы ПВК бралі ўдзел у баявых дзеяннях з пачатку расійскага ўварвання.
Раней дэпутаты Еўрапарламента таксама заклікалі ўнесці ПВК «Вагнер» у спіс тэрарыстычных арганізацый, але на сённяшні дзень гэта зрабіла толькі Эстонія.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары