Грамадства33

Былога журналіста БТ асудзілі да 4 гадоў калоніі, а яго жонку — да 2,5 гадоў

У Мінскім гарадскім судзе 2 снежня абвясцілі прысуды былому журналісту Белтэлерадыёкампаніі і пазаштатнаму карэспандэнту казахстанскага тэлеканала «Хабар 24» Дзмітрыю Лукшу, яго жонцы Паліне Палавінцы, Дзянісу Яроўскаму, а таксама Канстанціну Ніканораву, піша «Вясна».

Дзмітрый Лукша, Паліна Палавінка і Дзяніс Яроўскі на судзе 18 лістапада

Іх абвінавачвалі ў «дыскрэдытацыі Беларусі», а таксама «актыўным удзеле ў групавых дзеяннях, якія груба парушаюць грамадскі парадак». Лукша, Палавінка і Яроўскі знаходзяцца пад вартай. Жонка Дзяніса Анастасія на суд не з'явілася — яе абвясцілі ў вышук.

У выніку суддзя Наталля Бугук прызначыла Дзмітрыю Лукшу чатыры гады калоніі ва ўмовах агульнага рэжыму і штраф у памеры 500 базавых (16 000 рублёў), Паліне Палавінцы — два гады і шэсць месяцаў калоніі ва ўмовах агульнага рэжыму і штраф у памеры 100 базавых (3 200 рублёў), Дзянісу Яроўскаму — адзін год і шэсць месяцаў калоніі ва ўмовах агульнага рэжыму і штраф у памеры 100 базавых (3 200 рублёў), Канстанціну Ніканораву — тры гады «хатняй хіміі» і штраф у памеры 100 базавых (3 200 рублёў).

Паводле версіі абвінавачвання, Лукша з лістапада 2021 года па сакавік 2022 года «сістэматычна перадаваў замежнаму тэлеканалу за ўзнагароджанне матэрыялы пра падзеі, якія адбываюцца ў Рэспубліцы Беларусь».

«З мэтай дыскрэдытацыі краіны з дапамогай аператара ён вырабіў шэраг відэасюжэтаў, якія ўтрымлівалі заведама лжывую інфармацыю, і перадаў іх згаданаму тэлеканалу. У прыватнасці, у лясным масіве ў аг. Лясны Мінскага раёна па яго ўказанні жонка — Паліна Палавінка — хаваючы свой твар, на англійскай мове прадставілася грамадзянкай Сірыйскай Арабскай Рэспублікі, якая нібыта пражывае ў стыхійным лагеры на тэрыторыі Рэспублікі Беларусь. Яна агучыла загадзя падрыхтаваны мужам тэкст з недакладнымі звесткамі аб незахаванні правоў мігрантаў, незадавальненні іх базавых патрэбаў, дэфіцыце вады і ежы, пры гэтым Лукша пацвердзіў, што асабіста назіраў нібыта парушэнні».

Або іншы прыклад. На відэазапіс, зняты за мяжой, на якім дэманстраваўся дэфіцыт харчовых тавараў і замежнай валюты, Лукша наклаў свой закадравы голас, пры гэтым паведаміў, што ў сюжэце паказаная сітуацыя ў Рэспубліцы Беларусь», — гаворыцца ў абвінавачванні.

Гэтыя і іншыя відэасюжэты Лукша накіраваў прадстаўнікам замежнага тэлеканала, якія размясцілі іх на сваіх афіцыйных рэсурсах. 

Акрамя таго, паводле версіі абвінавачвання, у 2020 годзе Лукша, яго жонка, двое іншых абвінавачаных таксама прымалі актыўны ўдзел у групавых дзеяннях, якія груба парушаюць грамадскі парадак у сталіцы.

Анастасіі Яроўскай таксама ставілася ў віну тое, што яна размяшчала ў Instagram паведамленні, у якіх яна:

  • прыніжала праваахоўнікаў, фарміруючы негатыўны сацыяльны стэрэатып і варожае стаўленне да беларускай праваахоўнай сістэме і яе прадстаўнікоў;
  • заклікала працоўных да страйку з парушэннем устаноўленага парадку яго правядзення, пераконваючы ў правільнасці, апраўданасці і абгрунтаванасці такога ўдзелу, тады як у рэчаіснасці ён быў накіраваны выключна на прычыненне шкоды нацыянальнай бяспецы і выкарыстоўваўся як форма барацьбы з уладай.

Такім чынам, пяці фігурантам справы інкрымінаваныя:

  • Дзмітрыю Лукшу — арт. 369-1 КК (дыскрэдытацыя Рэспублікі Беларусь), ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак);
  • жонцы Лукшы Паліне Палавінцы — ч. 6 арт. 16 і арт. 369-1 КК (дапамога ў дыскрэдытацыі Рэспублікі Беларусь), ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак);
  • Дзянісу Яроўскаму — ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак);
  • аператару Канстанціну Ніканораву — ч. 6 арт. 16 і арт. 369-1 КК (дапамога ў дыскрэдытацыі Рэспублікі Беларусь);
  • Анастасіі Яроўскай — ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак); ч. 1 арт. 130 КК (распальванне іншай сацыяльнай варожасці), ч. 3 арт. арт. 361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь).

Паведамляецца, што Дзмітрый Лукша прызнаў віну цалкам і часткова.

Падтрымайце палітзняволеных лістамі, пасылкамі, грашовымі пераводамі: СІЗА-1, 220030, Мінск, Валадарскага, 2, Дзмітрый Міхайлавіч Лукша, Паліна Палавінка, Дзяніс Яроўскі

Каментары3

  • Пракоп
    02.12.2022
    Прізнал тады сядзі !
  • Дзед
    02.12.2022
    Горшай дыскрэдытацыі Беларусі, чым вось такія вось "суды"цяжка вымысліць
  • Виктория
    02.12.2022
    Ужасно :(

Цяпер чытаюць

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Усе навіны →
Усе навіны

Футбаліст перайшоў у «Гомель», каб зарабіць. Але праз пяць дзён яго звольнілі — з-за майкі з надпісам F*ck Gomel

Трамп лічыць, што Пуцін не будзе ваяваць, калі цана нафты зменшыцца яшчэ на 10 даляраў5

ЗША ўвядуць візавы заклад для грамадзян некаторых краін. Ён можа дасягаць 15 тысяч даляраў2

Вячорка: Не ведаю, што Краўцоў умее рабіць рукамі, на практыцы. Вельмі шмат блазнавання39

Беларускі музыка ўзяў удзел у фестывалі «Таўрыда.Арт» у акупаваным Крыме3

Грозеў расказаў, як агенты расійскіх спецслужбаў пранікалі ў яго дом і як дачка зняла аднаго з іх2

У Жлобіне ліквідуюць знакамітую фабрыку, дзе робяць штучнае футра1

«Паспалітае рушэнне» Сяргея Бульбы згарнула дзейнасць11

«Дзяруць курэй і гусей». Вёску ў Клецкім раёне тэрарызуюць сабакі, але ЖКГ кажа, што яны занадта хітрыя4

больш чытаных навін
больш лайканых навін

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Галоўнае
Усе навіны →

Заўвага:

 

 

 

 

Закрыць Паведаміць