У Бельгіі арыштавалі намесніцу кіраўніка Еўрапарламента і прадстаўніцу грэцкіх сацыялістаў Еву Кайлі.
Бельгійская газета Le Soir сцвярджае, што Кайлі падазраюць у замаху на карупцыю. Крымінальная справа можа быць звязаная з чэмпіянатам свету па футболе, які акурат цяпер праходзіць у Катары.
Як паведамілі ў федэральнай пракуратуры Бельгіі, Федэральная судовая паліцыя правяла 16 ператрусаў па 14 розных адрасах у некалькіх муніцыпалітэтах Бруселя ў рамках «расследавання меркаваных дзеянняў злачыннай арганізацыі, карупцыі і адмывання грошай». Было канфіскавана 600 тысяч еўра наяўнымі, а таксама камп'ютары і мабільныя тэлефоны.
У ходзе ператрусаў таксама былі затрыманыя яшчэ чатыры чалавекі, у тым ліку былы італьянскі дэпутат Еўрапарламента ад групы сацыялістаў і дэмакратаў (S&D). Яго імя не называецца.
Паліцыя даўно падазравала, што адна з дзяржаў Персідскага заліва спрабавала паўплываць на парламент ЕС, у тым ліку прапаноўваючы падарункі і буйныя сумы грошай членам Еўрапарламента, паведамляе пракуратура.
У грэчаскай сацыялістычнай партыі ПАСОК заявілі, што Еву Кайлі сёння выключылі з членаў аб'яднання.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
И ещё со времён дедушки Ленина было ясно, что все эти социалисты и демократы на в словах пекутся о народе, а на деле о своей тушке в тепле и личном благе. И это не изменилось с тех пор ни на йоту.